Ким Џонг Ун забрани да се носи косата врзана во „коњско опавче“ со новиот репресивен потег во Северна Кореја. А еве што го чека секој што ќе биде фатен со таква фризура

Северна Кореја забрани „репчиња“ како дел од постојаните репресии против странските влијанија во земјата.

Секој што ќе биде фатен може да му биде избричена главата и да се соочи со до шест месеци затвор. Новото правило доаѓа од диктаторот Ким Џонг Ун, кој забележал дека луѓе во непријателска Јужна Кореја ја носат косата така.

Тој е решен да ги елиминира модните трендови кои се популарни во Јужна Кореја. Покрај репчињата забранети се и полупроѕирни ракави на фустани и блузи, како и фармерки, фарбана коса, долга коса, пеглани панталони и торби преку рамо.

Radio Free Asia извести дека неименуван извор во Северен Хамгјонг, близу до границата на Северна Кореја со Кина, изјавил дека новите правила биле објавени во видео. Според радиото, овие забрани се спроведуваат затоа што стилови како проѕирни ракави и коњски опашки „го замаглуваат имиџот на социјалистичкиот систем“.

Ким Џонг Ун, 40, сака неговата земја да биде различна од Јужна Кореја. Во последниве години, шверцери и трговци од Кина носат јужнокорејски филмови и ТВ-драми на мемориски картички. Интернетот не е достапен за повеќето Севернокорејци, освен за мала група елита. Сепак, мобилните телефони нудат друг начин за пристап до странска содржина.

Луѓето кои живеат близу до кинеската граница исто така можат да користат шверцувани СИМ картички за да се приклучат на интернет. Севернокорејската влада испраќа тајни тимови за да ги отстранат сите траги од странско влијание во изолираната земја, вклучувајќи го и трендот на прославување на родендени.

Други забранети предмети вклучуваат маички со странски слогани и тесни блузи за жени. Сепак, Џу-ае, ќерката на Ким, за која некои веруваат дека може да биде неговиот избран наследник, е видена во полупроѕирни ракави.

На Севернокорејците исто така им е забрането да носат облека што личи на стилот на Ким, како на пример кожениот мантил што го носи во постудените месеци. Облекувањето како лидерот се смета за „нечист тренд“ кој ја предизвикува неговата власт, според радиото.