Кинески научници открија непознат минерал на Месечината

Кинеските научници за прв пат открија нов минерал на Месечината и го нарекоа „Каменот Чанг“. Овој минерал е шестиот нов минерал откриен од луѓето на Месечината, а Кина стана третата земја во светот која откри нови минерали на површината на Земјиниот сателит.

Истражувачите изолираа еднокристална честичка со големина од околу 10 микрони од примероците на лунарната почва и ја дешифрираа нејзината структура. „Каменот Чанг“ е фосфатен минерал. Има форма на колонообразен кристал. Кинеските научници тврдат дека овој минерал се наоѓа во честичките на лунарниот базалт.

На 24 ноември 2020 година, од космодромот Венчанг на островот Хаинан беше лансирана ракетата-носач Лонг Март 5. Таа го испрати Chang’e-5 на Месечината. И на 17 декември истата година, капсулата Chang’e-5 што се враќаше успешно слета на територијата на автономниот регион Внатрешна Монголија на северот на земјата. Уредот испорача на Земјата 1731 g примероци од лунарната карпа.

Кина стана првата земја во последните 44 години што изврши мисија за транспорт на геолошки карпи од површината на Месечината.

  • Ајдеее напиша:

    Дека *Американчето* „ПОЈДЕ“ прво на месечината….НАЈГОЛЕМАТА ЛАГА до сега…..

  • Коментирај анонимно

    Вашата адреса за е-пошта нема да биде објавена.