Кога е вистинското време во денот и колку долго треба да трае совршената дремка што ќе ве „врати во живите“?

Ново истражување открива дека идеалното време за попладневна дремка е во 13:42 часот, а совршеното траење е 51 минута, со што луѓето би се разбудиле во 14:33 часот чувствувајќи се освежени.

Истражувањето, спроведено од Talker Research по нарачка на Avocado Green Mattress, покажува дека ако дремката трае повеќе од еден час и 26 минути, влегува во „опасната зона“ и може да има негативен ефект. Доколку трае дури 1 час и 44 минути подолго од препорачаното, веќе не се смета за дремка, туку за целосен сон.

Психологот Ник Бах објаснува дека многу луѓе не спијат правилно и поради тоа се чувствуваат уморни наместо освежени. Според него, дремките подолги од 20 минути можат да предизвикаат замор наместо енергија. Најдобриот начин за одмор е кратка дремка од 20 минути, бидејќи тоа спречува навлегување во длабок сон и го намалува ризикот од утринска поспаност.

Тој исто така препорачува дремките да завршуваат пред 15:00 часот, бидејќи подоцнежното спиење може да го наруши ноќниот сон. Најдобро е да се спие во тивка, затемнета и разладена просторија, а доколку тишината не е можна, бел шум или тивка музика можат да помогнат.

Резултатите покажуваат дека 44% од испитаниците сакаат да дремат со некаква бучава, а 47% претпочитаат вклучен телевизор додека спијат, за разлика од само 7% кои користат звук на бел шум. Што се однесува до местото на одмор, 53% од учесниците претпочитаат да дремат во кревет, додека 38% избираат кауч.

Без разлика на условите, дремката има позитивни ефекти – 55% од испитаниците веднаш чувствуваат зголемена продуктивност по будењето.

Истражувањето исто така направило споредба меѓу оние кои се редовни „дремкачи“ и оние кои не се. Дремкачите почесто изјавувале дека имаат успешен социјален живот (48% наспроти 34%) и подобар љубовен живот (50% наспроти 39%). Иако процентот на среќни луѓе е речиси идентичен меѓу двете групи, дремкачите се чувствуваат малку поуспешни (39% наспроти 32%) и пофокусирани на одржливи одлуки (74% наспроти 68%).

Сепак, без разлика дали се дремкачи или не, истражувањето покажа дека многумина луѓе не добиваат доволно одмор.

Совети за подобра дремка од психологот Ник Бах:
✅ Нека биде кратка (20-30 минути)
✅ Дремнете порано во денот
✅ Обезбедете тивка и удобна средина
✅ Пробајте „кафе-дремка“ (пијте кафе пред кратката дремка)
✅ Слушајте го своето тело

🚫 Избегнувајте долги дремки (над 90 минути)
🚫 Не спијте премногу доцна попладне
🚫 Избегнувајте бучни и осветлени простории