Која е совршената разлика во годините со вашиот партнер? Нови научни истражувања ја откриваат разликата која е идеална за да имате долга и хармонична врска

Некои луѓе велат дека годините се само бројка кога станува збор за љубовта и врските. Сепак, се чини дека општеството верува дека треба да има ограничување на годините помеѓу двајцата љубовници, а истражувачите дури го пронајдоа совршениот јаз што ги зголемува шансите за долговечност на парот. Во секој случај, мислиме дека љубовта, посветеноста и добрината се најважни во секоја врска, но исто така е интересно да се види што велат истражувањата кога станува збор за совршената разлика во годините.

Ние сакаме да ги споделиме со вас резултатите од студијата која покажа дека постои магичен број кој ни помага да ја добиеме вечната романса за која сите сонуваме.

Правилото на 7

Со оглед на тоа што темата за тоа што треба да биде прифатлив возрасен јаз меѓу двајца партнери е субјективна, а дискусиите можат да траат засекогаш, општеството донесе правило за дефинирање на границата. Ова правило вели дека половина ваша возраст-плус седум, треба да ја одреди прифатливата минимална возраст за партнер за запознавање.

Така, според оваа равенка, ако имате 30 години, би било прифатливо да излегувате со некој што има 22 години, но сепак 21-годишник ќе се смета за премногу млад за вас.

Сепак, ова упатство можеби навистина нема смисла, бидејќи, врз основа на него, се чини дека поголемите разлики во возраста стануваат прифатливи. На пример, според оваа равенка, во ред е 60-годишник да излегува со 38-годишник дури и ако нивната старосна разлика е 22 години. Сепак, 8-годишниот јаз меѓу 28-годишник и 20-годишник не е прифатлив.

Исто така се чини дека времето не се согласува со оваа равенка. Кога Кетрин Зета Џонс и Мајкл Даглас се земаа во 2000тата година, нивната разлика во годините не беше прифатлива, но сега е. Таа имала 30 а тој 55 кога се земале.

Што покажа студијата?

Студија во која учествуваа 3.000 луѓе беше спроведена од Универзитетот Емори и покажа дека колку е поголем јазот во годините, толку е поголем ризикот од раскинување.
Всушност, истражувањето покажа дека
– пар со 5-годишна разлика има 18% поголеми шанси да се раздели од оние на иста возраст
– пар со 10-годишна разлика има 39% поголеми шанси да се раздели од оние кои се на иста возраст
– пар со 20-годишна разлика има 95% поголеми шанси да се раздели од оние на иста возраст

И ако ги погледнеме врските на една од најпознатите холивудски ѕвезди, Леонардо ди Каприо, кој има тенденција да излегува со жени кои се многу помлади од него, ќе забележиме дека неговите романси не траат на долг рок.
Актерот неодамна раскина со својата девојка Камила Мороне, која е 22 години помлада од него. Нивната врска траеше 4 години.
Меѓу неговите претходни врски, може да се споменат и 17 години помладата манекенка Нина Агдал и 10 години помладата манекенка Бар Рафаели, а ниту овие врски не го издржаа тестот на времето.

Идеална разлика во годините

И бројките покажаа дека разликата од 1 година е идеална разлика за да опстане врската, бидејќи овие парови имаат само 3% веројатност да раскинат.

Некои познати парови докажуваат дека оваа теорија е точна како на пример Марк Цукерберг, роден во 1984 година и неговата сопруга Присила Чан, родена 1985 година, кои се во брак веќе 10 години.
Или Кели Рипа, родена во 1970 година, и сопругот Марк Консуелос, роден во 1971 година, кои сè уште се силни по 26 години поминати заедно.

Затоа на пример идеален партнер на Леонардо Ди Каприо би му била Дру Баримор која е родена само една година после него и е слободна.

Дали се согласувате дека колку е помала разликата толку е поголема веројатноста врската да опстане? Или мислите дека во љубовта не се важни годините?

Коментирај анонимно

Вашата адреса за е-пошта нема да биде објавена.