Колку добро ви вари желудникот? Еве еден едноставен начин за да проверите

Многумина внимаваме на храната што ја внесуваме – дали е здрава и хранлива. Но, дали некогаш сте се запрашале колку брзо оваа храна поминува низ вашиопт дигестивен систем?

Ова прашање е важно, бидејќи брзината на варењето влијае врз здравјето и општата благосостојба.

Што се случува со храната во дигестивниот тракт?

Откако ќе ја изџвакаш и проголташ храната, таа почнува да патува низ дигестивниот тракт – долг и сложен пат што започнува во устата и завршува… па знаеме каде 🙂

На овој пат, храната поминува низ органи со различни функции:

желудникот ја разградува и вари,
тенкото црево ги апсорбира хранливите материи,
дебелото црево впива вода и соли.

Движењето на храната низ дигестивниот тракт се нарекува цревна подвижност (моторика). Овој процес е делумно контролиран од милијардите бактерии што живеат во нашите црева – таканаречената цревна флора.

Овие бактерии се исклучително важни, бидејќи:
✔️ го зајакнуваат имунитетот,
✔️ помагаат во разградување на храната,
✔️ произведуваат мали молекули наречени метаболити, кои ги стимулираат цревата да се движат и ја туркаат храната напред.

Ако нема доволно здрави бактерии, варењето се забавува, што може да доведе до запек и непријатност.

Колку брзо минува храната низ телото?

Времето што му е потребно на оброкот да помине низ целиот дигестивен тракт се нарекува време на цревен транзит.

Кај различни луѓе тоа трае различно, но истражувањата покажуваат дека:
⏳ може да трае од 12 до 73 часа,
⏳ просечното време е околу 23-24 часа.

На времето на цревниот транзит влијаат:
✅ генетиката,
✅ исхраната,
✅ состојбата на цревната флора.

Ако храната патува пребавно, бактериите во дебелото црево почнуваат да се хранат со протеини наместо со растителни влакна. Ова создава токсични гасови, што може да предизвика надуеност и воспаленија.

Бавното варење исто така може да доведе до насобирање несварена храна во тенкото црево, што може да предизвика болки во стомакот, гадење и подуеност.

Од друга страна, ако храната патува брзо, телото нема време да апсорбира доволно вода и хранливи материи, што резултира со пролив и дехидрација.

Како да провериш колку добро работи твоето варење?

Постоји едноставен домашен тест – тестот со пченка.

🔹 Прво, не јади пченка 7-10 дена за да се исчисти системот.
🔹 Потоа, јади пченка (неколку зрна или едно клавче) и забележи го времето кога си ја изел/а.
🔹 Следните денови следи го столицата и забележи кога првпат ќе забележиш зрна пченка во неа.

📌 Ако ја видиш пченката во помалку од 12 часа → твојот систем работи пребрзо.
📌 Ако ти требаат повеќе од 48 часа → твојот систем е побавен од нормалното.
📌 Ако е некаде помеѓу 12-48 часа → твоето варење е во нормални граници.

Овој тест не е 100% точен, но дава добра претстава за тоа колку брзо работи твојот дигестивен систем.

Како да го подобриш варењето?

✅ Ако твоето варење е пребрзо, најдобро е да се консултираш со лекар за да провериш дали постои некаков здравствен проблем (на пример, синдром на раздразливо црево или воспалително заболување на цревата).

✅ Ако е премногу бавно, но немаш други симптоми како болки, гадење или губење апетит:
✔️ јади повеќе зеленчук и овошје (богати со растителни влакна),
✔️ пиј повеќе вода,
✔️ редовно вежбај.

Урамнотежената исхрана е клучот за здрави црева и добро варење.