Лидија и нејзиниот брат близнак се родени од ембриони замрзнати пред цели 30 години

Приказната за малата Лидија и нејзиниот брат близнак Тимоти звучи како сценарио за научнофантастичен филм, но во реалноста е сведоштво за напредокот на современата медицина и за родителската љубов што не застанува пред времето.
Нивното раѓање отвори необично прашање: што значи возраста кога животот бил зачнат три децении пред детето да го земе првиот здив?

Лидија и нејзиниот брат близнак се родени од ембриони замрзнати пред цели 30 години

На 31 октомври 2022 година рекордот од речиси 27 години стана историја

Лидија и Тимоти Риџвеј дојдоа на свет од ембриони што биле замрзнати точно 30 години претходно.
Со ова раѓање близнаците го соборија светскиот рекорд во вонтелесно оплодување, кој претходно го држеше девојчето Моли Гибсон, родена во 2020 година од ембрион кој поминал речиси 27 години во течен азот.

На 31 октомври 2022 година рекордот од речиси 27 години стана историја

На 22 април 1992 година биле замрзнати на речиси минус 200 Целзиусови степени

Зачнувањето првично било планирано за анонимен брачен пар во САД. Сопругот тогаш имал нешто повеќе од 50 години, додека јајце-клетките биле добиени од 34-годишна донаторка.
По оплодувањето, оплодените ембриони биле безбедно замрзнати во течен азот. Двојката првите 15 години ги чувала во приватна лабораторија за плодност, а во 2007 година ги подарила на Националниот центар за донација на ембриони во Тенеси, за да му овозможи на друго семејство шанса да добие потомство.

На 22 април 1992 година биле замрзнати на речиси минус 200 Целзиусови степени

Филип имал пет години, Рејчел три, кога биле создадени нивните идни деца

Во пролетта 1992 година, кога биле замрзнати ембрионите од кои три децении подоцна ќе се родат близнаците, нивните идни родители биле се уште малечки деца.
По раѓањето на Лидија и Тимоти, Филип во интервју сподели колку било необично чувството кога сфатил дека ембрионите на неговите деца биле создадени додека тој самиот одел во градинка:
„Тоа е навистина неверојатно и чудно чувство. Јас имав само пет години кога Бог им вдахнал живот на Лидија и Тимоти. На некој начин, тие се нашите најстари деца, иако всушност се најмлади. Речиси на секој со кого разговаравме му е тешко да го разбере овој временски парадокс“.
Брачниот пар Риџвеј веќе имал четири биолошки деца на возраст од две до осум години кога донел одлука да го прошири своето семејство преку програмата за посвојување донирани ембриони.

Ембрионите што никој не ги избирал поради АЛС ги посакале токму Риџвеј

При изборот на донирани ембриони, повеќето парови детално ја анализираат семејната медицинска историја на донаторите. Во случајот со Лидија и Тимоти, токму тој податок со децении ги одвраќал сите потенцијални родители: нивниот биолошки татко починал од амиотрофична латерална склероза (АЛС), тешко невролошко нарушување познато и како Лу Геригова болест.
Поради стравот од потенцијални наследни болести, овие ембриони со години биле прескокнувани и останувале заборавени на дното на резервоарите со течен азот. Но, за Филип и Рејчел, токму тоа било причината зошто решиле да ги изберат токму нив.
„Овие ембриони честопати се занемаруваат затоа што доаѓаат од родители со позната историја на одредени генетски нарушувања. Дознавме дека никој не сака да ги земе бидејќи сите бараат совршени генетски предиспозиции. Ние не баравме ембриони кои биле најдолго замрзнати во светот за да рушиме рекорди, туку ги побаравме оние кои најдолго чекале затоа што никој друг не ги сакал“, појасни таткото Филип.
Мајката Рејчел додаде дека нивната цврста вера била клучниот фактор за оваа одлука:
„Тие носат потенцијален генетски ризик, но сите ние луѓето имаме некакви маани и секој од нас во текот на животот може да развие некаква болест. Сметавме дека овие деца заслужуваат право и шанса за живот исто како и секое друго дете на овој свет“.

Коментирај анонимно

Вашата адреса за е-пошта нема да биде објавена. Задолжителните полиња се означени со *