Лисицата, магарето и волкот одат во Централен регистар да отворат фирма во Македонија (виц)

Лисицата, магарето и волкот решиле да отворат фирма во Македонија.

Лисицата рекла:

– Јас сум најлукава, ќе одам до Централниот регистар и за пет минути ќе ја средам регистрацијата.

Отишла лисицата, но по некое време се вратила разочарана.

– Не успеав…

Тогаш волкот рекол:

– Јас сум опасен, сите ме почитуваат. Сега јас ќе одам и ќе ја завршам работата.

Отишол и волкот, но и тој се вратил со наведната глава.

– Ништо и од мене…

Тогаш магарето рекло:

– Ајде сега јас да пробам.

По половина час се вратило пресреќно и извикало:

– Ја регистрирав фирмата! Успеав!

Лисицата и волкот зачудено го прашале:

– Како бе, кога ние двајцата не успеавме?

Магарето се насмеало и рекло:

– Влегов во канцеларијата… кога гледам – сè мои школски другари таму!