Љубителите на кучиња оставени во солзи: Кучето Бејби пронајдено напуштено на улица со торба со нејзините омилени работи и срцепарателно писмо од нејзината сопственичка

Во Грин Беј, Висконсин пронајдено е едно кутре врзано за противпожарен хидрант. Кога Humane Society од Висконсин ја спасило малата Бејби, таа имала торба со нејзините омилени работи – заедно со писмо од нејзината поранешна сопственичка.

Иако спасувачите не го повторија дословно она што го пишуваше во писмото, тие открија дека сопственилката го оставил кучето во „чин на очај“, додека се борела со бездомништвото и минувала низ рак.

Спасувачите ѝсе заблагодарија на сопственичката, во потресно отворено писмо, кое ги остави луѓето со насолзени очи.

Во ужасното писмо се вели: „Ја гледаме твојата љубов во начинот на кој си го прицврстила ременот за да не ја удри автомобил. Ја гледаме твојата љубов во начинот на кој ја смести во средината на соседството каде што брзо ќе се најде. Ја гледаме вашата љубов во тоа колку среќно и здраво изгледа девојчето. И ја гледаме твојата љубов во белешката што ја остави, молејќи некој да ѝ помогне кога веќе не можеш ти. Гледаме дека го направи она што мислеше дека е најдобро за твоето сакано кученце и благодарни сме за твоето сочувство“.

Подоцна, сопственичката на Бејби анонимно споделила со Си-Ен-Ен зошто немала друг избор освен да се откаже од своето сакано милениче бидејќи била бездомник и оди на хемотерапија. Неидентификуваната жена рече дека се јавила на седум места за да види дали ќе го одведат 6-годишното куче – но сите одговориле со остро не. Оставена без друга опција, сопственичката го врзала кучето за хидрантот и се сокрила по патот за да се осигура дека кучето е безбедно.

„Тоа беше најлошото, најтешкото нешто што сум го направила во животот. Кога ја ставив на хидрантот, само го видов нејзиното лице како: „Мамо, што, што, што се случува овде?“. Таа беше мојот живот, но знам дека ќе биде на подобро место“.

Humane Society ја однело Бејби на рутинска проверка откако ја собрало од хидрантот.

За време на проверката, било забележано дека кучето има дијабетес мелитус, познат и како кучешки дијабетес. Како резултат на здравствени проблеми, кои можат да предизвикаат високи нивоа на шеќер во крвта, симпатичното куче бара инсулински инјекции дома, секојдневно следење на гликозата и ограничена исхрана. Оваа болест најверојатно можела да биде скапа за сопственичката на кучето, која веќе живеела на улица.

Тие образложија дека одржувањето на домашно милениче со дијабетес може да чини „стотици долари месечно“.