Маж ги изгуби тестисите при страотна несреќа на мотори во Италија

Италијански мотоциклист останал во неподносливи болки откако му се откачил тестисот, по судир со друг мотор.

Реткиот и трауматичен настан, наводно, се случил откако неидентификуваниот пациент од 20 години доживеал сообраќајна несреќа со мотор во Италија, поради што му се изместиле десните гениталии.

Ударот, наводно, ја принудил гонадата да излезе од скротумот и низ ингвиналниот канал – мал премин во препоните – пред конечно да се смести во абдоменот, објави „LiveScience“.
Пациентот последователно се пријавил во болница, каде што било откриено дека има голема маса на згрутчена крв во скротумот, што ги спречува лекарите правилно да ги прегледаат неговите гениталии.

Откако го спречиле крварењето и ја исцедиле згрутчената крв, лекарите ги санирале другите повреди на несреќникот, кои вклучувале сериозна фрактура на карлицата. Тие, исто така, проверувале дали уринарниот тракт не претрпел никаква штета во чудната несреќа.

Шест месеци по несреќата, органите на мажот се вратиле во нормала и не влијаеле на неговото производство на хормони и сперма – како што, за жал, може да биде случај при вакви повреди.