Мажи внимавајте: Овие грешки при вежбање можат да доведат до проблеми во спалната соба

Содржина:

• Претерано напнатите мускули на карличното дно водат кон болка, проблеми при секс и секојдневна непријатност
• Чучнувања, мртво кревање, стомачни и планкови несвесно го затегнуваат карличното дно
• Велосипедистите и триатлонците се особено ризични заради долгите сесии и лошо наместени седлa
• Погрешно дишење и страв од симптоми уште повеќе ја влошуваат состојбата
• Не мора да се избегнуваат сите вежби, туку да се прилагоди рутината и да се научи релаксација
• Посета на физиотерапевт за карлично дно е најдобриот почетен чекор за лекување

Претерано напнатите мускули на карличното дно водат кон болка, проблеми при секс и секојдневна непријатност

Мускулите околу карличното дно го стабилизираат телото, ги држат органите на место и помагаат во основните телесни функции – но нивното претерно оптоварување води до хронична напнатост, а со тоа и до проблеми при секс. „Мускулите околу вашето карлично дно имаат улога во ерекцијата и сексуалната возбуда. Ако постојано се затегнати или преоптоварени, може да го ограничат протокот на крв и да стегаат нерви кои се важни за здрава сексуална функција“, објаснува личниот тренер Тоби Кинг.

Чучнувања, мртво кревање, стомачни и планкови несвесно го затегнуваат карличното дно

Вежби што бараат силно стегање и напор, како што се чучнувања, мртво кревање или дури и рутини фокусирани на стомакот, несвесно ги активираат и напнуваат мускулите на карличното дно. „Многу мажи шетаат постојано стегнати. Ги затегаат мускулите при вежбање, но потоа се напнати цел ден, што со време води до преактивно карлично дно – го нарушува сексуалниот живот и предизвикува болка,“ додава Кинг.

Велосипедистите и триатлонците се особено ризични заради долгите сесии и лошо наместени седлa

И љубителите на велосипедизам или триатлон мора да обрнат внимание: долгите сесии на неудобно и неправилно поставено седло создаваат дополнителен притисок врз нервите и мускулите околу карличното дно. Кинг го споредува ова со тренирање бицепси без одмор – на крајот, мускулот ќе престане да функционира. Со додавање тежина и лоша техника, ризикот се зголемува уште повеќе, предупредува тренерот.

Погрешно дишење и страв од симптоми уште повеќе ја влошуваат состојбата

Дури и кога се работи за класични добри вежби како чучнувања или мртво кревање, неправилната форма и кревање со поголема тежина отколку што можеме, може да создаде дополнителен притисок на карличното дно. „Ако формата не ви е добра и не дишете правилно, целиот притисок ќе се префрли токму таму“, вели Кинг. Загриженоста за симптомите носи уште поголем стрес и создава маѓепсан круг на се поголема напнатост на истите мускули.

Не мора да се избегнуваат сите вежби, туку да се прилагоди рутината и да се научи релаксација

Кинг не препорачува целосно избегнување на вежби како чучнувања и мртво кревање, туку советува прилагодување на рутината и намалување на вежбите што оптоваруваат препоните, внатрешните бедра и длабоките мускули на колкот додека се присутни симптоми. Пресудно е да научите како да ги опуштите овие мускули низ вежби за длабоко дишење и истегнувања како позата дете и happy baby. Кегеловите вежби, всушност, можат да ја влошат еректилната дисфункција кај некои мажи – подобро е да се проба со т.н. „обратни кегелови“ (релаксирачки вежби за карличното дно) со длабоко дијафрагмално дишење.

Посета на физиотерапевт за карлично дно е најдобриот почетен чекор за лекување

Најважното нешто е да побарате помош од физиотерапевт специјализиран за ова подрачје, за да се добие точна дијагноза и соодветен план за третман. „Можеби вашиот проблем е напнатост, слабост, неможност на мускулите да се релаксираат или комбинација од сите три“, вели Кинг. Физиотерапевтите ќе препишат и други вежби важни за целото тело. Како што истакнува Тиа Данкберг, „Ниеден мускул во телото не работи во изолација… Најчесто моите интервенции вклучуваат движења што ги зголемуваат екстензијата, мобилноста на ребрата и флексибилноста на колкот“.