Мега-градба долга 1 километар е откриена на дното на Балтичкото Море која се верува дека е изградена пред повеќе од 10.000 години

На дното на Балтичкото Море, во Мекленбуршкиот Залив, истражувачите открија древен ѕид кој се протега речиси еден километар. Ова е можеби најстарата позната мегаструктура изградена од луѓе во Европа.

Ѕидот бил откриен случајно за време на студентско патување кога научниците користеле сонарен систем со повеќе зраци од истражувачки брод. Импресивната структура го доби името Blinkerwall. По поблиска проверка, истражувачите откриле околу 1.400 помали камења кои биле наредени да поврзуваат речиси 300 поголеми камења. Многу од овие камења беа премногу тешки.

Ѕидот покриен со 21-метарски слој вода е вистинска мистерија за научниците. Тие веруваат дека бил изграден од ловци-собирачи пред повеќе од 10.000 години на копно покрај езеро или мочуриште. Иако е тешко да се одреди целта на ѕидот, научниците шпекулираат дека тој би можел да послужи како премин за ловците кои бркаат стада ирваси.

Јакоб Герсен од Институтот за истражување на Балтичкото Море во Лајбниц во Варнеминде објаснува: „Кога бркате животни, тие ги следат овие структури, не се обидуваат да ги прескокнат“.