Мерил Стрип се разведува на стари години: „Секогаш ќе се грижиме еден за друг, но живееме одвоени животи“

Мерил Стрип и сопругот Дон Гамер открија дека живеат разделени „повеќе од шест години“, откако решиле да имаат „одвоени животи“.

Во изјавата споделена за „Page Six“, портпаролот напиша дека 74-годишната актерка од „Ѓаволот носи Прада“ и 76-годишниот скулптор „се разделени повеќе од 6 години и додека сепак секогаш ќе се грижат еден за друг, тие избрале одвоени животи“.

Двојката првично се венчаше во 1978 година и имаат четири деца: Хенри (43), Меми (40), Грејс (37) и Луиза Џејкобсон (30).
Според медиумот, Стрип – која присуствуваше на доделувањето на наградите „Принцеза де Астуриас“ во петокот – последен пат била видена заедно со Гамер додека присуствувала на церемонијата на Оскарите во 2018 година.

Поранешната двојка првпат се запознале преку братот на Мерил во 1978 година, а подоцна истата година во септември за време на романтична церемонија во градината на нејзината родителска куќа рекоа „да“.  Свадбата се одржа шест месеци откако нејзиниот покоен дечко и колега актер, Џон Казале, почина во март 1978 година по дијагнозата на рак на белите дробови.

Една година по неговата смрт, ѕвездата размислуваше за загубата и им рече на „People“ во тоа време: „Смртта е сè уште многу со мене. Тоа ме принуди да се соочам со сопствената смртност, а штом ќе го направите тоа, гледате на работите поинаку“.

По неговата смрт, актерката требаше да се исели од станот што го делеше со Казале и доби помош од нејзиниот брат и еден од неговите пријатели – кој случајно беше Гамер.

Мерил и Дон се зближиле и тој и дозволил на Мерил да го закупи неговиот стан во Њујорк кога тој не бил таму. Двојката почнала да разменува писма, а пријателството набрзо се претворило во нешто посериозно.

Уште во 2002 година, ѕвездата се отвори за нејзината врска со уметникот и го информираше „Вог“ дека тајната на нивниот долготраен брак е „добрата волја и подготвеноста да се наведнуваат – и да замолчат одвреме-навреме“.

Таа понатаму објасни: „Нема патоказ за тоа како да се подигне семејство: секогаш се огромни преговори. Но, имам холистичка потреба да работам и да имам огромни љубовни врски во мојот живот. Не можам да замислам да заменам едно за друго“.
Во 2012 година, Мерил го спомна Дон на почетокот на нејзиниот говор откако ја освои наградата за најдобра актерка за „Железната дама“.

„Прво, ќе му се заблагодарам на Дон затоа што кога ќе му се заблагодарам на својот сопруг на крајот од говорот, тие му ја пуштаат музиката и сакам тој да знае дека сè што најмногу ценам во нашите животи, тој ми го дал“, слатко изрази таа.

Освен домот во Конектикат каде што поранешната двојка живееше и го подигна своето семејство, двајцата поседуваа и мансарда во населбата Трибека во Њујорк, се додека не беше продадена во 2020 година за 15,8 милиони долари. Подоцна истата година, актерката купила дом во Пасадена за 4 милиони долари.