Модерна вила во австриските Алпи која го одзема здивот, ама за среќа има свеж воздух колку ви душа сака за да надокнадите

Одмор среде Алпите, опкружен со живописни планини. Овој сон стана реалност со модерна вила со базен на австриските Алпи. Шале D е дизајниран како вила за одмор со спа-зона каде што неколку тесно поврзани семејства можат да уживаат во заедничкиот одмор.

Современиот редизајн внесе нов живот во постоечката зграда. Дабово дрво, суви камени ѕидови и изложени греди ѝ даваат на вилата типичен алпски стил.

Големите прозорци на секој кат нудат различен поглед на околните планини. Светло дабово дрво и многубројните камини создаваат топла атмосфера, додека сините тонови во дизајнот на ентериерот се однесуваат на водата, централен елемент за релаксација во бањата.

Четири пространи спални соби со сопствена дневна соба и бања нудат приватност и релаксација на последниот кат. Модерна кујна, како и голема трпезарија и пространа дневна соба на средниот кат создаваат пријатен простор за заедничко живеење. Големата тераса ги поканува гостите да појадуваат на неа, да прават скара или да уживаат во сонцето. На долниот кат од куќата има спа центар. Употребата на меки материјали, меки бои и LED осветлување се одлични за промовирање на релаксација.