„Мојата работа е да ги „задоволувам“ моите онлајн дечковци. Луѓето го сожалуваат мојот партнер, но јас заработувам 40.000 долари неделно“

Шарна Бекман, од Квинсленд, Австралија, е позната на социјалните медиуми затоа што има легија машки обожаватели на интернет. Шарна тврди дека заработува 1.000 долари  на секои 10 минути благодарение на својата долга листа на онлајн момчиња.
Прекрасната манекенка, која тврди дека заработува шест цифри месечно, го запознала Рики во 2021 година на пат кон дома од ноќно излегување. Но, кога поранешната асистентка за стоматологија му открила што работи, тој бил малку исплашен.

Рики изјави за „Love Don’t Judge“ на „YouTube“: „На почетокот бев прилично несигурен за тоа. Откако се запознавме, имав неколку разговори со пријатели и некои од нив ја нарекуваа со вулгарни имиња. На крајот од денот избирам да ѝ верувам“.

Шарна, која има 43.700 следбеници на „Инстаграм“ на нејзината страница @sharnabeckman, рече: „Имавме периоди во нашата врска каде што тоа влијаеше на нас“.

Зборувајќи за својата работа, Шарна објасни дека нејзините клиенти често се мачат во светот на состанувањето и претпочитаат да разговараат онлајн. Таа изјави: „Претпоставувам дека овие мажи имаат проблеми со состаноци во надворешниот свет и можеби се чувствуваат малку нервозни што всушност излегуваат и мораат да разговараат и да одат на состаноци со жени“.

За да ја одржи својата врска силна, Шарна поставила некои граници со своите онлајн момчиња. Уште повеќе, таа го вклучува Рики во нејзината кариера.

Посветениот дечко сега и помага околу осветлувањето и фотографирањето за нејзината содржина. Шарна коментира: „Онаму каде што ќе ја повлечам линијата ќе биде кога ќе се обидат и ќе ме прашаат да се сретнеме во реалниот живот – јас не ја нудам таа услуга“.