„Мојот булдог го изџвака мојот палец до коска додека спиев – но на крајот тоа ми го спаси животот“

Дејвид Линдзи (64) од Кембриџ, се запрепастил од викањето на неговата сопруга додека спиел на софата во нивниот дом, само кога открил дека неговиот десен палец бил облеан во крв. Коската на палецот му била скршена од седуммесечното кутре булдог Харли додека спиел, а ноктот на палецот му висел.

Сепак, хорор инцидентот се покажа како потенцијален спас за живот бидејќи лекарите подоцна открија дека тој го изгубил чувството во нозете поради две блокирани артерии на нозете.

И покрај повредата, Дејвид, татко на пет ќерки и дедо на 11 внуци, не планира да се ослободи од непослушното кученце бидејќи тоа му го спасило животот.

Дејвид, кој има дијабетес, рече: „Спиев на каучот кога мојата сопруга влезе внатре и извика: „Дејв, кучето ти го џвака палецот! Но, благодарение на тоа, открив дека моето стапало е целосно вкочането, не чувствувам ништо“.

Неговата сопруга му го завиткала палецот и итно го однела во болницата Аденбрук, каде што е веќе девет дена. Дејв добил интравенски антибиотици за да се спречи ширење на инфекцијата предизвикана од каснувањето. Но исто така тој открил дека не ја чувствува својата нога.

За време на КТ скеновите на скршениот палец, лекарите откриле две блокирани артерии. Блокадите можеле да му ја доведат целата нога во опасност од ампутација доколку не се врати снабдувањето со крв.

Благодарение на неговото куче, Дејв сега се проценува за операција со која ќе добие стент за враќање на протокот на крв во неговата нога.

Дејв, кој претходно не поседувал булдог, рекол: „Ми направи услуга со тоа што ми го изгриза палецот до коска. Значи, чекам да дознаам дали можат да ми стават стентови. Но од кучето не се откажувам“

Дејвид се надева дека до крајот на неделата ќе си оди дома кај сопругата и булдогот.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!