„Мојот дечко е 42 години постар од мене – нашата врска започна кога ми достави ќебапи на врата“

Една 18-годишна девојка, чиј дечко е 42 години постар од неа, раскажа како тие прв пат се запознале и како се развивала нивната љубов.

Никеиша Лајтфут (18) првпат го запознала својот партнер Димитриос Фотис (60) кога во 2022 година и доставил ќебапи до нејзината врата. Љубовниците од Грејт Јармут велат дека се „поврзале веднаш“ и нивната врска со текот на времето само станала посилна.

И покрај тоа што се соочуваат со критики поради разликата во годините, парот не дозволил луѓето да ги срамат – и инсистираат на тоа дека нивната љубов е вистинска.
„Би сакала луѓето да знаат дека љубовта нема старосна граница“, рече Никеиша.

„Се заљубивме еден во друг – нема никаква финта позади тоа.

„Веднаш се поврзавме кога првпат се сретнавме и зборувавме некое време. Излеговме заедно за да се запознаеме повеќе. Постарите мажи се поискусни“.

За среќната двојка, сè започнало кога личниот тренер Димитриос работел како доставувач и ѝ доставил на Никеиша вечера до врата. Споделувајќи ја приказната во видео на „TikTok“ со нејзините 60.000 следбеници, таа објасни дека нарачува храна повеќето ноќи поради тоа што работела на две работни места и немала време да готви.

„Порано одев дома и нарачував за јадење затоа што стануваше доцна додека да се вратам. Димитриос ми доставуваше секоја вечер. Тој ќе ми се јавеше кога беше надвор, пред куќата, ќе излезев и потоа со тек на време почнавме да се сретнуваме на улица“.

Но, една вечер кога одела во локалната продавница, Никеиша го забележала Димитриос како чека испорака во близина. Таа не се чувствувала добро кога се сретнале, па Димитриос ја прашал како се чувствува и ѝ препорачал да направи чај со лимон за да се чувствува подобро. Заборавила како да го направи чајот како што советувал Димитриос, па решила да му испрати порака.

„Разговаравме некое време, се најдовме на „WhatsApp“, а потоа излеговме да се запознаеме малку – и ете оттогаш поминаа две години. Сега сме најдобри другари и го сакаме животот заедно. Каква приказна!“

Неколку луѓе го преплавија делот за коментари со поддршка за парот, нарекувајќи ги „навистина слатки“ и „вистински“.