„Нацистот“ Канје Вест вели дека го сака Хитлер, дека ја КОНТРОЛИРА сопругата Бјанка Ценсори и дека е подготвен да умре, во новите екстравагантни објави на „Х“

Канjе Вест предизвика огромни контроверзии откако во четвртокот навечер јавно се декларираше како нацист, испраќајќи низa антисемитски, сексистички и хомофобични објави на социјалните мрежи.

Раперот (47) првпат беше обвинет за антисемитизам во 2022 година поради расистички изјави, но подоцна се извини, тврдејќи дека немал намера да ја навреди еврејската заедница. Сепак, во драматичен пресврт, тој напиша серија објави на X, во кои тврди дека никогаш повеќе нема да „верува или соработува со Евреи“ и дека нема да се извини за своите ставови.

Меѓу најшокантните објави, Вест отворено изјави: „ЈАС СУМ НАЦИСТ“, а подоцна додаде: „ЈА САКАМ ХИТЛЕР, СЕГА ШТО?“

Тој исто така ги коментираше шпекулациите дека неговата сопруга Бјанка Ценсори е жртва на контролирачка врска, особено по нејзиниот провокативен изглед на Греми наградите. Вест тврди дека има „доминација“ над неа, што дополнително ги подгреа загрижените коментари за нејзината благосостојба.

Во текот на својот непрекинат напад на социјалните мрежи, Вест изјави: „АКО ВЕЧЕРВА ЗАГУБАМ СÈ, СЕ ИСПЛАТИ, МОЖАМ ДА УМРАМ ПОСЛЕ ОВА“, додека инсистираше дека бил „трезен“ додека ги пишувал објавите.

Потоа, тој го спомена и Крис Браун, контроверзниот пејач кој има историја на насилство врз жени, вклучително и физички напад врз неговата поранешна девојка Ријана во 2009 година. Вест напиша: „ГИ ГЛЕДАВМЕ КАКО ПРОБАА ДА ГО ТРГНАТ КРИС БРАУН И НИКОЈ НЕ НАПРАВИ НИШТО“.

Само седум минути подоцна, тој повторно ја повтори својата контроверзна изјава од 2018 година, пишувајќи: „РОПСТВОТО Е ИЗБОР“.

Откако Вест се ожени со Бјанка Ценсори во 2022 година, обожавателите изразија загриженост за нејзината состојба, бидејќи австралиската архитектка често се појавува во јавност во провокативна облека или без облека.

На Греми наградите минатата недела, таа прошета по црвениот тепих облечена во црн крзнен капут, кој подоцна го соблече, разголувајќи го задникот пред фотографите. Таа потоа се сврте за да го покаже своето разголено тело, додека Вест со насмевка ја набљудуваше.

Овој испад доаѓа неколку дена откако адвокатите на Диди изјавија дека тој „е уверен дека ќе победи во судскиот процес“.

Федералните обвинители тврдат дека музичкиот могул користел уцени и насилство за да ги замолчи своите жртви. Според наводите, тој ги принудувал жените против нивна волја да учествуваат во групни сексуални забави наречени „Freak Offs“.

Диди останува во федерален притвор речиси пет месеци по неговото апсење на 16 септември во Њујорк, под обвиненија за трговија со луѓе и рекетирање. Неговите обиди за ослободување со кауција биле одбиени поради загриженост дека би можел да избега или да се обиде да влијае врз случајот.

Во меѓувреме, по низата скандали, реакциите на обожавателите на Вест на социјалните мрежи беа претежно негативни.