Најдобрите млади информатичари на Македонија чекаат помош – не дозволувајте ова да биде приказна со тажен крај!

Талентирани, паметни, посветени – но дали ќе останат тука ако не им покажеме дека вредат? Анита Атанасова-Грчев, Претседател на „Бистри Умови – Bright Minds of Macedonia“ има една моќна порака до сите нас:

Во оваа земја секогаш зборуваме за иднината. За тоа како сакаме подобра Македонија, напредна држава, општество на знаење, сила која ќе чекори рамо до рамо со светот. Но, прашањето е – што правиме за тие зборови да станат реалност?

Во Македонија постојат млади луѓе кои се родени лидери. Генијалци кои денеска програмираат алгоритми, решаваат проблеми што изгледаат невозможни, освојуваат медали и дипломи, но… ако не ги поддржиме сега, утре ќе ги гледаме како заминуваат – засекогаш и тогаш ќе немаме право да ги нарекуваме предавници, затоа што кога најмногу сме им потребни, Ние не сме мрднале со прст.

Осум ученици – осум исклучителни млади умови – оваа година ја добија шансата да ја претставуваат Македонија на Интернационалната Олимпијада по Информатика и Технологија (ИАТИ) во Шумен, Бугарија.

Таму, ќе се натпреваруваат со најдобрите во светот. Ќе ги покажат своите вештини, ќе научат нови технологии, ќе создадат контакти кои можат да им го променат животот.

Но, има еден проблем. Немаат средства да заминат.

Овие деца се Македонските чуда од деца – но дали ќе останат тука ако не им покажеме дека ги цениме?

Ова се децата кои еден ден можат да создадат револуционерни технолошки решенија, да донесат инвестиции, да ja направат Македонија горда на светско ниво. Но, дали ќе останат во својата земја ако не им покажеме дека ги цениме?

Замислете како еден ден, овие генијалци работат за најголемите светски компании, креираат технологии кои го менуваат светот. И некој ќе ги праша:

„Од каде си?“

А тие, со тага, ќе одговорат:
„Од Македонија, но таму не ме поддржаа…“

Дали тоа сакаме да го слушнеме? Дали сакаме уште една генерација на талентирани Македонци да замине, затоа што ние – како држава, како народ – не сме нашле 5.000 евра да ги испратиме на натпревар што им го менува животот?

5.000 евра – мала цена за иднината на Македонија!

За овие деца да ја претставуваат Македонија во Шумен, потребни се само 5.000 евра.

Овие средства ќе ги покријат:

✅ Патните трошоци за учениците и нивните ментори
✅ Сместување и храна за времетраењето на натпреварот
✅ Логистичка поддршка за тимот да биде подготвен на највисоко ниво

Пет илјади евра – износ што често се троши на една луксузна вечера или на рекламен билборд. Но, овие пари не се за луксуз. Овие пари се инвестиција во иднината на Македонија.

Што ќе им покажеме – дека ги цениме или дека треба да си одат?

Секој ден гледаме како нашите најдобри млади лекари, инженери, програмери, уметници заминуваат.
Знаете зошто?
Затоа што таму некаде, надвор од Македонија, нив ги чекаат со раширени раце.

Ова е можност да покажеме дека ние сакаме нашите најдобри да останат овде!

Не смееме да дозволиме овие деца да заминат и да научат дека „Македонија не го цени талентот“.

Како може да помогнете?

Секој од нас може да биде дел од оваа приказна.

💳 Банкарска сметка за донации:
270076853510197 (Халк Банка)

📞 Контакт за повеќе информации:
078 416-164
📧 info@brightmindsofmacedonia.com

Ако сте компанија, фондација, медиум – вклучете се! Донирајте, споделете ја приказната, мотивирајте и други да помогнат.

Нека ова не биде уште една приказна за пропуштена шанса! Ова не е само повик за донација. Ова е повик за будење. Ако не ги поддржиме овие деца, ако не им покажеме дека нивниот труд и талент вредат – утре нема да имаме кого да поддржуваме.

Не дозволувајте Македонија да биде само земја од која се заминува. Направете ја земја во која талентот останува, напредува и ја гради иднината!

Секој успех на нашите ученици е успех за сите нас.
Ако сакаме Македонија да ја видиме како земја на успеси – време е да помогнеме.

ЗАЕДНО, МОЖЕМЕ ДА ИМ ПОМОГНЕМЕ!