„Најнапредниот“ хуманоиден робот во светот ги имитира Морган Фримен, Илон Маск и Доналд Трамп- и тоа зачудувачки реално!

Британскиот хуманоиден робот, Амека, ги покажува своите имитаторски способности на познати личности – и тие се морничаво реални.

Во новото видео, софистицираната машина – развиена од фирмата „Engineered Arts“ со седиште во Корнвол – зборува во стилот на Морган Фримен, Илон Маск и Доналд Трамп.
„Ameca“ е опремена со микрофони, двогледни камери за очи, камера на градите и софтвер за препознавање лице за да комуницира со луѓето. Роботот е опишан како „најнапредниот“ хуманоид во светот од „Engineered Arts“ и „платформа за интеракција човек-робот“.

„Целта овде е да се изградат најдобрите експресивни способности“, велат од „Engineered Arts“.

Во новото видео, Амека разговара со основачот и извршен директор на „Engineered Arts“, Вил Џексон, на бирото во канцелариите на компанијата. Амека го започнува видеото со наведување на предметите што ги гледа во собата, вклучувајќи биро, стол, „претерано изложени прозорци“ и „полици со книги“. Таа потоа опишува робот-играчка и анатомски модел на човечка глава на бирото, што таа го опишува како „фасцинантен“.

Потоа Џексон ја замолува да почне да зборува со гласовите на познатите луѓе, а таа се започнува со длабок машки глас во стилот на Морган Фримен.

Џексон потоа вели: „Сакам да зборувате за роботски ракетни бродови кои експлодираат на Марс и откриваат плутониум, но направете го тоа со гласот на Илон Маск ве молам“.
Во необична имитација на основачот на „SpaceX“, Амека вели: „Замислете, ако сакате, флота од роботски ракетни бродови, секој попаметен од претходниот. Отпаѓаме на Марс, не само за да истражуваме, туку и да откриеме тајни скриени под неговата правлива црвена површина. Што ако можам да променам се што знаеме за животот во универзумот?“

Конечно, од Амека се бара да одржи „долг, бурен говор“ во стилот на Доналд Трамп, но со гласот на Сунѓерот Боб – и резултатот е смешен. Држејќи се на темата Марс, Амека исполнува бесмислен монолог полн со реторика и хипербола што е типична за поранешниот претседател.

Не е јасно дали целата интеракција во видеото е однапред програмирана, иако фирмата претходно тврдеше дека „Ameca“ може да води нескриптирани разговори.

„Engineered Arts“ не откри колку чини изработката на роботот бидејќи се уште е во развој, иако е достапен за изнајмување за настани и изложби. Тие редовно објавуваат видеа од интеракции со машината, вклучително и она каде што ги копира изразите на лицето на човек во реално време.

Друга уште позачудувачка снимка покажува дека таа го фаќа за рака истражувач затоа што влегол во нејзиниот „личен простор“.

Додека Амека моментално не може да оди, „Engineered Arts“ работи на агилна верзија со полно тело што ја прави уште почовечка.