Најтетовираната жена на светот покажа стари фотографии без тетоважи, додека била во цветот на младоста

Жителката на Флорида, САД, Шарлот Гутенберг, која влезе во Гинисовата книга на рекорди како најтетовирана жена на светот, покажа стари фотографии со чиста, нететовирана кожа.

Познато е дека телото на 73-годишна Американка е покриено со тетоважи за дури 98,75 отсто. На оваа трансформација жената се одлучила по смртта на нејзиниот сопруг, кој бил против нејзината страст. „Отсекогаш сонував за тетоважи. Мојот покоен сопруг ми забрани да ги имам, иако тој самиот имаше две.“, се сеќава Гутенберг.

На сликите објавени од Дејли Стар, хероината е прикажана со чиста кожа без ниту една тетоважа. Таа вели дека првата тетоважа ја направила на 57 години. Покрај тоа, пред една од првите сесии во салонот за тетовирање, таа запознала нов маж. Нејзин партнер бил Чарлс Хелмке, кој го држи рекордот за најтетовиран машки пензионер.