Народот во Британија на нозе: Албански гангстер доби азил и анонимност во Велика Британија, откако избегал, а во неговата родна земја служел доживотна затворска казна за убиство

Албански гангстер осуден за убиство во неговата родна земја доби анонимност откако побара азил во Велика Британија – за да се заштити од ривалите.

Криминалецот служил доживотна затворска казна за убиство и други „многу тешки прекршоци“ пред да биде ослободен и да отпатува во Британија со брод.

По неговото апсење, судијата одлучил дека неговиот идентитет треба да биде скриен од јавноста „заради безбедност“ – откако тој тврдеше дека му се заканувале ривали од бандите.
Пратеникот Дејвид Морис изјави за „Сан“: „Тоа е срамна одлука што покажува презир кон британските граѓани“.

Албанецот е во притвор во имиграциски центар, а се чека на одлука дали може да биде депортиран.

Портпаролот на Министерството за внатрешни работи рече: „Тоа е уште еден шокантен пример зошто мораме да ги запреме бродовите“.

Тоа доаѓа откако новите бројки открија дека само 215 од 45.755 мигранти кои минатата година го преминале Каналот со мал брод се депортирани.

Утврдено е дека повеќе од 25.000 од нив се бегалци, и покрај тврдењата на владата дека мнозинството од оние што минуваат со мали чамци се економски мигранти.

Бројките, засновани на податоците на Министерството за внатрешни работи, исто така покажуваат дека секој петти мигрант е дете.
Минатата година беше забележан рекорден број пристигнување во Довер – 1.104 чамци со просечно 41 лице секој ден.
Податоците добиени преку барањето за слобода на информации покажаа дека само 0,47 отсто од вкупните пристигнати мигранти се депортирани, вклучително и седум за кои беше откриено дека се криминалци.