Научно докажано: Поради глобалното затоплување грмотевиците ќе станат двојно поопасни отколку што биле досега!

Меѓународен тим на научници покажа дека глобалното затоплување може да доведе до поинтензивни грмотевици во наредните години, што ќе ги поттикне шумските пожари ширум светот. Ова е објавено во статија објавена во списанието „Nature Communications“.

Истражувачите анализирале сателитски снимки од шумски пожари што се случиле помеѓу 1992 и 2018 година. Се покажа дека природните катастрофи настанале поради таканаречените „жешки“ удари од гром, кои се карактеризираат со подолго траење од просечното. Ваквите молњи биле причина за околу 90 отсто од шумските пожари. Времетраењето на ударите се движело од 40 милисекунди до речиси третина од секундата, како резултат на тоа што повеќе топлина била пренесена на тревата, грмушките и дрвјата, доволно за да се запали.
Симулациите покажаа поголема фреквенција на „жешки“ удари од гром додека атмосферата се загрева. Бројот на такви удари ширум светот може да се зголеми од три во секунда на четири во секунда. Научниците забележуваат дека моделите, исто така, покажале зголемување на сите видови громови до 2090 година, што претставува зголемување од 28 проценти.

Најранливи се регионите во Јужна Америка, Југоисточна Азија, Австралија, Африка, а исто така и во Северна Америка. Во поларните региони, најверојатно ќе се намали бројот на шумски пожари поради зголемените врнежи.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!