Невиден талент: Британец кој добил 11 милиони евра на лотарија успеал да стане просјак. Погледнете која е тајната на неговиот успех

Џон Мекгинис станал сопственик на 11 милиони евра во 1997 година. Во тоа време, тој живеел со своите родители и заработувал 170 евра неделно додека работел во болница. Откако добил парична награда, човекот им дал повеќе од една третина од добивката на роднините, купил куќа на островот Мајорка, како и шест автомобили, меѓу кои Бентли, Мерцедес, Јагуар и БМВ.

По некое време, Мекгинис купил замок во вредност од 1,5 милиони евра во шкотскиот град Босвел, а во 2004 година се преселил во блиската приватна куќа.

Најголемата сума – 4,5 милиони евра – човекот инвестирал во шкотскиот фудбалски клуб „Ливингстон“, станувајќи негов гарант. И покрај тоа што верувал во успехот на клубот, тој ги загубил сите пари.

Мекгинис го обвини поранешниот деловен партнер Доминик Кин што го убедил да инвестира во Ливингстон. На суд, Кин бил прогласен за невин. „Давајќи докази, Кин се пожали што го изгубил својот дом. Но, јас сум единствениот кој изгубил сѐ. Имав Ферари, дизајнерски гардероби и луксузни патувања. Имав сѐ за што сонував и уште повеќе. Сега сум загрижен за тоа како да платам за обични купувања“, жали МекГинис.