Од перики за кучиња до Т-рекс раце за бебиња… Американците лани потрошиле 14 милијарди долари на онлајн шопинг во ПИЈАНА состојба!

Луѓето ги открија своите најчудни купувања преку Интернет – откако беше откриено дека Американците потрошиле над 14 милијарди долари во последната година и нарачувале онлајн под дејство на алкохол.

Изненадувачки, 17 отсто од Американците признаваат дека купувале пијани минатата година, трошејќи просечно по 309 долари за купувања во алкохолизирана состојба.
Но, бројките се секако помали во споредба со 2020 година, кога беа потрошени 44,9 милијарди долари за време на пандемијата „Ковид-19“, бидејќи пијаните потрошувачи беа заглавени во своите домови.

Сепак, додека некои велат дека „не се гордеат со тоа“, милиони корисници на „TikTok“ откриваат што сѐ купиле во таква состојба.
Меѓу милионите луѓе кои сакаат да купуваат откако ќе испијат неколку пијачки, некои одат чекор подалеку и им ги откриваат на милионите гледачи своите непромислени набавки.

Од откачени панцири во стил на Спарта, тајзери, па дури и мини-Т-Рекс раце за бебиња, луѓето се собраа да гледаат како инфлуенсерите ги отвораат пакетите што не се сеќаваат дека воопшто ги нарачале.

Лашауна МекНил, уметничка која собра повеќе од милион лајкови на нејзиниот профил @lipsietipsie, рече дека видела дека нејзината гледаност расте откако започнала нов сегмент наречен: „Работи што ги купив кога бев пијана“.

„Еднаш им ги покажав на пријателите моите пијани одлуки, и сите ми рекоа дека се смешни и дека треба да ги споделам на интернет“, изјави таа.

„Моите најчудни купувања се често детски играчки, вклучително и неодамнешниот PlayStation Gameboy – секогаш мислам дека „мора да го имам“.
Едно од најурнебесните видеа за шопинг во пијана состојба што изникна среде трендот дојде од инфлуенсерот на „TikTok“ @donaldsonthe3rd, кој собра неверојатни 5,8 милиони лајкови на својот канал.

Појавувајќи се во спартански оклоп, 28-годишникот открива дека го направил лудото купување додека бил пијан.

„Тоа се случи по добра количина на алкохол заедно со „Амазон“ – тие едноставно го прават тоа премногу лесно. Како да можеш да бидеш свој таен Дедо Мраз“, изјави тој.

Тој додаде дека неговата пијана навика за купување започнала благодарение на заклучувањето на Ковид, што го натерало да купи бројни чудни предмети, вклучително и мал тејзер и тркало за керамика – за кое тој инсистираше дека е „одлично за состаноци“.

Помеѓу магливата заедница за онлајн шопинг, истражувањето на Finder покажа дека мажите имаат повеќе од двапати поголема веројатност да фрлаат готовина по неколку пијачки.

Во меѓувреме, меѓу 10 проценти од жените кои признале дека купуваат во алкохолизирана состојба, 50 проценти претпочитаат чевли, облека или додатоци.
И покрај новата гардероба, 15 отсто рекле дека се одлучиле за храна, додека осум отсто едноставно одлучиле да платат за повеќе алкохол.

Повеќе од секој трет милениумци (33 проценти) учествувал во шопинг во пијана состојба, во споредба со 28 проценти од Gen Z, осум проценти од Gen X и само два проценти од Baby Boomers.