Од теории за мафија до… – Италијански град ја откри мистеријата за зголемениот број дупнати гуми на автомобилите

Во јули оваа година, тивкиот италијански град Вастогирарди беше во центарот на вниманието поради чудните инциденти со дупнати гуми кои не ги оставија рамнодушни ниту жителите, ниту локалните власти.

Сè започна со првото дупнување на гумата во јули. Сопственикот на автомобил паркиран кај градскиот плоштад, Џусто Џирарди, забележал дека некои му ги дупнал гумите и повикал полиција. Но, работата стана посложена кога, дури и по увид и мала истрага, не беа идентификувани осомничени. До крајот на октомври градот беше преполн со поплаки за слични инциденти, а сите беа снимени на градскиот плоштад.

Во градот почнаа да се шират гласини за кавгите на соседите и застрашувачките активности на мафијата. Инспекторите се соочија со тешкотии да ја решат мистеријата.

Полицијата реши да преземе акција и организираше надзор на плоштадот со персонал во цивилна облека. Истражното одделение постави камери за надзор. Но, и покрај сите напори немаше резултати до последните денови од ноември.

На крајот, мистеријата за дупнувањето на гумите беше решена. Виновникот не бил криминална банда или злобен сосед. Виновникот бил голем четириножен негативец по име Били. Камерите покажаа како кучето џвака гума и преден браник.

Сопственикот на Били, кој боледувал од гингивитис, не знаел за неговите ноќни авантури. Сега жената ќе мора да им ја надомести штетата на другите возачи од нејзиниот четириножен пријател.