Откриени најголемите алкохоличари во светот: Источна Европа доминира во глобалната табела за консумирање алкохол, но можете ли да погодите на кое место се наоѓа Македонија?

Додека многу држави се познати по тоа дека се конзумира многу алкохол сепак официјално никој не може да се мери со нации како Латвија, Австрија, па дури и островите во јужниот дел на Пацификот. Тоа е според бројките собрани од Централната разузнавачка агенција (ЦИА) во 2019 година, која ги анализирала просечните литри чист алкохол што секој човек ги пиел во 189 земји.

Куковите острови – збирка острови во јужниот дел на Пацификот – се на врвот на листата, со просечен човек кој консумира околу 13 литри чист алкохол годишно – тоа е повеќе од 100 чаши вино. Куковите острови се самоуправна нација во Јужниот Пацифик која се состои од 15 острови. Целата нација има околу 17.500 луѓе, а нејзината економија е фокусирана на туризмот. Податоците на ЦИА велат дека повеќе од половина од алкохолот што го пијат жителите на островот Кук е од алкохолни пијалаци, како што се вотка, виски, џин и рум.

Посебен извештај објавен од Министерството за здравство на островите Кукови и СЗО покажа дека речиси половина од сите испитаници од островите Кукови пиеле алкохол во последните 30 дена. Употребата на алкохол беше почеста кај мажите, кои сочинуваа околу 57 проценти, наспроти жените, кои учествуваа со 37 проценти.

Обединетото Кралство се најде на топ 25, рангирајќи се на 24 од 189, додека САД беа на 35 место.

Целосната табела можете да ја видите ТУКА.

Три од земјите во првите пет се во Источна Европа, домот на вотката, која има некои од највисоките стапки на алкохолизам. Повеќе од еден од 10 мажи во Латвија и Литванија, на пример, се зависни од алкохол. Австрија, каде што легалната возраст за пиење е 16 години се најде на 5-то место.

Додека пак Македонија добро се покажа и е на 97-мо место. Сепак во однос на оваа табела и не сме некои алкохоличари нели? Иако секоја чест на исклучоците 🙂

Европа има најголема потрошувачка по глава на жител на алкохол од кој било континент во светот, соопшти СЗО.

Според податоците на Организацијата за економска соработка и развој (ОЕЦД) од 2021 година, Британците консумираат околу 4,4 литри пиво или 2,3 шишиња вино во просек секоја недела. Тие, исто така, имаат тенденција да пијат повеќе од повеќето други нации, при што 51 процент од целокупниот алкохол што го консумираат во земјата го пијат тешките алкохоличари – дефинирано како пиење по две литри за мажи или една половина литар пиво за жени дневно од ОЕЦД.

На дното на листата на ЦИА, сите врзани со 0 литри годишно, беа Бангладеш, Кувајт, Мавританија, Саудиска Арабија и Сомалија.

Во Бангладеш, конзумирањето или продавањето алкохол беше забрането во времето кога беа објавени податоците на ЦИА поради религиозни причини. Сепак, минатата година земјата ги олабави своите закони за да дозволи некој да пие со официјална дозвола.

Сè уште е забрането во Кувајт, Мавританија, Саудиска Арабија и Сомалија.