„Откривме 6 метри длабок бунар под нашата куќа во којашто живееме над 20 години. Бевме во шок од она што го пронајдовме внатре!“

Една жена од Велика Британија останала вџашена откако открила бунар долг 6 метри под нивната куќа додека ја реновирала нивната кујна.

„Внатре е апсолутно прекрасно“, изјави Луиз Вотсон за „South West News Service“.

„Бевме шокирани бидејќи мислевме дека сето тоа ќе биде мрачно внатре, но тоа е совршено сочувано“.

Фотографиите го покажаа резервоарот широк метар и половина, кој е обложен со тули.

Британката и нејзиниот сопруг Дејвид (46) го откриле бунарот додека вршеле доградба на задниот дел од викендичката со три спални соби во Фурнес, Камбрија минатата година.
Првично изградено за рудари за железо, живеалиштето било преземено од нејзините родители пред парот да се пресели кај нивниот син Џек (11) пред една деценија.

Сепак, никој не сфатил што се крие под нив – до сега.

Вотсон, кој работи за британската воздухопловна компанија „BAE Systems“, рече дека градителите почнале да откопуваат, откривајќи огромна дупка. Набргу потоа слушнале пукање вода. Жената потоа добила повик од Дејвид, кој ја известил дека нашле јама за вода која се протегала длабоко под нивниот имот.

„Десет години живееме во куќата“, рече таа. „Мојот сопруг живеел овде како дете со своето семејство – тие биле тука околу 25 до 30 години – никој од нас немаше поим дека е тука“.

Вотсон верува дека резервоарот можел да го користат фармерите пред сто години, но и понатаму не е сигурна за неговата првична намена.

Надевајќи се дека ќе дојде до „дното“, Вотсон пуштила камера за да го прегледа бунарот, при што открила кристално чиста вода. Вотсон дури размислува да го искористи бунарот како нивен извор на вода, но решила да не го стори тоа откако дознала дека проектот ќе ги чини над 6.000 долари.