„Ова е најубавоте нешто што ми се случило“ вели 56 годишна баба која е трудна од нејзиниот син, како сурогат-мајка на неговото долгопосакувано бебе!

56-годишна мајка откри дека е бремена со бебето на сопствениот син, откако нејзината снаа открила дека не може да носи дете.

Ненси Хаук, од Сент Џорџ, Јута, САД одлучила да биде сурогат за својот син Џеф Хаук (32) и неговата сопруга Камбрија (30), откако нејзината снаа направила хистеректомија, што значи дека не можела да носи повеќе децата.

Знаејќи дека нејзиниот син сака да биде татко, таа привремено се понудила да биде сурогат на парот – не мислејќи дека тоа ќе биде можно поради нејзината возраст.
Но, ембрионот бил успешно префрлен и бебето сега треба да се роди во ноември, а Ненси вели дека „едвај чека да се породи“.

Ненси, која работи како администратор, вели: „Никогаш не замислував дека ќе бидам бремена на 56 години или дека тоа ќе биде можно, но тоа е најубавото нешто“.


Ненси одлучила дека сака да биде сурогат за нејзиниот син Џес и нејзината снаа Камбрија, бидејќи тие многу се мачеле и имале проблеми со плодноста.

Тие поминаа шест години на „ИВФ“ третмани пред да ги добијат близнаците, Вера и Ајва, кои се сега три години.
Тие потоа ги добиле и другите близнаци, Дизел и Лука, кои сега имаат 11 месеци – но раѓањето било доста трауматично и довело до тоа што на Камбрија и требала хистеректомија, оставајќи ја неспособна да носи повеќе деца.

Но, парот имал уште замрзнати ембриони во лабораторија, кои се надевале дека ќе ги имплантираат.

„Му кажав на син ми, а тој се изненади и беше шокиран – не му кажав ни на мојот сопруг во тој момент, но тој навистина ми даваше поддршка“.

Но, и покрај нејзината понуда, никој од семејството не мислел дека тоа ќе биде можно поради нејзината возраст.

Сепак, тие сепак ја спомнаа идејата на лекарите за плодност, велејќи дека Ненси претходно имала пет здрави деца без никакви компликации. „Докторот рече дека можеби ќе можам да бидам носител и ме праша дали сакам да дојдам на преглед за да видам дали сум подготвена“, рече Ненси.

Ненси го започнала својот хормонски третман во јануари 2022 година, со инјектирање секој ден во текот на 12 недели со помош на нејзиниот сопруг и таткото на Џеф, Џејсон (59), оптометрист. Оплодениот ембрион потоа бил префрлен во нејзината матка еден месец подоцна.

„Беше малку страшно бидејќи поминаа 26 години откако родив бебе“, рече Ненси. „Никогаш не планирав за тоа, но мило ми е што избрав да го носам бебето на мојот син“.

„Таа жртвува толку многу за нас, а нашето семејство и ние се чувствуваме многу благодарни. Беше толку чудесно и убаво да се види Ненси како го носи нашето слатко девојче“, вели нејзиниот син. „Едвај чекаме да ја запознаеме нашата ќерка“.

Џеф додава: „Да се ​​биде татко отсекогаш ми бил сон, го обожавам секое мое дете и многу сериозно ја сфаќам улогата и одговорноста како нивен татко. Можноста да бидам татко на уште едно прекрасно девојче е најголемиот подарок и благослов што можев да го добијам“.

„Нема отплата за такво нешто – сè што можам да направам е да го следам примерот што го дадоа моите родители и да се обидам да го дадам истото ниво на љубов и посветеност на моето семејство и на на луѓето околу мене“.

Коментирај анонимно

Вашата адреса за е-пошта нема да биде објавена.