Ова не се случува секој ден: Археолози открија Книга на мртвите, стара 3.500 години на египетски гробишта

За време на ископувањата на гробиштата Туна ал-Гебел во централен Египет, археолозите открија древна египетска „Книга на мртвите“ исполнета со мистериозни магии наменети да ги водат мртвите во задгробниот живот.
Како дел од најновите археолошки истражувања на гробиштата Туна ал-Гебел во Египет, археолозите открија свиток со должина од 13 до 15 метри. Свиток што ја содржи древната египетска книга на мртвите и стана дел од уникатно откритие, заедно со мумии, скапоцени артефакти и ретки тегли од алабастер што се користат за складирање на органи за време на мумификацијата.

Книгата, која се смета за еден вид „осигурување“ за патување во задгробниот живот, содржи мистериозни магии наменети да му помогнат на покојникот во неговото патување до задгробниот живот. Помошник куратор на антиквитети во музејот Џ. Пол Гети, Сара Кол, истакна дека таквите свитоци биле вообичаена компонента на погребувањата во древниот Египет, обезбедувајќи им на душите на починатите потребните упатства за успешна транзиција.

Археолошките наоди вклучуваат мумии за кои се верува дека припаѓаат на високи функционери, како и ретки канопски садови и амајлии, што го истакнува значењето на ова откритие.

Експертите забележуваат дека иако копии од Книгата на мртвите не се толку ретки, да се најде во гроб кој сè уште е зачуван во оваа состојба е крајно невообичаено. Египтологот Фој Скалф од Универзитетот во Чикаго нагласи дека ова откритие бара дополнително истражување за целосно да се разбере неговото историско значење.

Експертот за книгата на мртвите Лара Вајс изрази уверување во значењето на откритието, истакнувајќи дека неговата должина и одличната состојба го прават ова големо и возбудливо откритие за истражувачите и љубителите на древниот Египет.

Кустосот на Британскиот музеј на антички Египет и Судан Џон Тејлор нагласи дека таквите свитоци се скапи и индивидуални, бидејќи содржат инструкции неопходни за успешно преминување на душата во задгробниот живот.