Оваа наставничка од трето одделение има уникатен начин за да ги научи учениците на финансиска свест, иако нив баш и не им се допаѓа тоа

Таа води монопол.

Шелби Латимор, наставничка во трето одделение во Шарлот, Северна Каролина, ги учи своите ученици за финансиска писменост така што им наплаќа кирија за нивните клупи и доцнење.

„Не ми е гајле како го плаќате … какви сметки ми давате … Ми плаќаш 5 долари“, вели Латимор.

Во видеото наставничката ги известува своите ученици дека ќе им ги земе парите затоа што е ден за плаќање – тие веднаш незадоволно реагираат.

За среќа, учениците не мора да ги плаќаат сметките во вистински пари или да бараат заем од нивните родители. Тие треба да платат со „доларите“ што ги заработиле во текот на целата учебна година извршувајќи задачи во училницата, како што се лидери на група, помошник на наставникот, бришење табли и слично.

„Ги учам одговорноста да ракуваат со парите што ги заработуваат преку нивните класни работни места“, објаснува Латимор.

Секој втор петок, секој ученик добива „плата“ од наставничката за својата работа и задолженија.

Освен плаќање кирија, на учениците им е дозволено да трошат пари на несериозни работи во продавницата во училницата, како што се карта за да смее да јаде на час, карта за домашна работа или да бидат учители за тој ден.

На први од месецот, Латимор продолжува да го повикува секој ученик по неговиот назначен број, а ако ученикот не е тука, тоа е доцнење и за тоа таа наплаќа 1 долар.

Латимор наведува различни причини за да бидат казнети со плаќање, како што се доцнење, кршење работи и непочитување.

Во виралното видео, Латимор ги брои банкнотите на секој ученик за да се увери дека ништо не недостасува. Сè додека еден ученик не изјави: „Немам 5 долари“.

На нејзино изненадување, младиот човек имал над 25 долари во својата банка, но едноставно не сакал да си ја плати сметката. Наставничката му објаснува дека тој ќе добие кусур.

„Ако ми ги дадеш 10 долари, тогаш што добиваш назад?“ Прашува Латимор.

„5 долари“, одговара тој, а потоа го менува тонот. „Дај ми 5 долари“.

Друг ученик, исто така, се спротивставил да ја плати сметката, за што наставничката го предупредува дека може да доведе до „иселување“ од неговата клупа.

Детето оди и ѝ ги предава парите додека жали: „Сега имам 0 долари“.

Откако ќе се платат сите сметки, учениците ја нарекуваат својата наставничка „злобна“ откако таа се радува за парите што ги собрала. Латимор одговара: „Тешки животни лекции од трето одделение“.

„Многу од моите деца доаѓаат од семејства кои живеат во живо и не се во најдобра финансиска ситуација, така што мислам дека не се премногу млади за да научат како да се справат со пари, како да ги користат парите и како сакаат да ги користат своите пари“.

Многумина пофалија пристапот на Латимор кон подучувањето и доближувањето на финансиската свест кај децата. Што мислите вие?