Овој гарант има македонски корени: Тркач испива на екс по еден алкохолен пијалак на секои 1,6 километри на маратонот во Чикаго

Содржина:

• „26 пијалаци за 26 милји“ стана видео со виски „Фајрбол“, пиво, шампањ и „Џепсонс Малорт“
• Околу петтиот километар прифатил „мистериозен сок“ и еден дим од џоинт
• Холи Милс рече „ако некој може да толерира толку алкохол и да продолжи да трча, секоја му чест“
• По предупредувањата за дехидратација, срцев ритам и топлотен удар, Хости завршил со „Добра ноќ“

„26 пијалаци за 26 милји“ стана видео со виски „Фајрбол“, пиво, шампањ и „Џепсонс Малорт“

Насловено како „26 пијалаци за 26 милји“ (26 Drinks For 26 Miles), хаотичното видео го прикажува Хости како на екс пие чашки виски „Фајрбол“ (Fireball), лименки пиво, тврди газирани алкохолни пијалаци, чаши шампањ, желе-шотчиња со алкохол, како и неколку дози од озлогласениот горчлив ликер од пелин кој е заштитен знак на Чикаго – „Џепсонс Малорт“ (Jeppson’s Malört).
Ова не било само трчање со необична пауза за пијалак. Камерата го следи како секоја следна точка од патеката се претвора во нова алкохолна станица, додека тој продолжува да трча,

Околу петтиот километар прифатил „мистериозен сок“ и еден дим од џоинт

На тој дел од трката, тој дури прифатил и чашка „мистериозен сок“ во комбинација со еден дим од џоинт подаден од гледач покрај патеката.
Не запирајќи кај ознаката од околу 42 километри, издржливиот маратонец го заокружил својот потфат со 27-ми пијалак – правејќи стој на раце врз пивско буре (keg stand) покрај самата патека, пред да ја помине целната линија и да го подигне својот официјален медал за завршен маратон.

Холи Милс рече „ако некој може да толерира толку алкохол и да продолжи да трча, секоја му чест“

Иако видеото собра милионски прегледи на интернет, овој луд подвиг целосно ја подели тркачката заедница. Британската атлетичарка во седмобој, Холи Милс, го коментираше виралното видео признавајќи дека неговата толеранција на алкохол е невероватна, но предупреди дека ваквата порака испраќа погрешен сигнал до младите и амбициозни тркачи.
„Јас лично никогаш не би го направила ова, само затоа што и самото трчање маратон целосно ме исцрпува и 100 отсто не би стигнала до целта. Но, ако некој може да толерира толку алкохол и да продолжи да трча, секоја му чест. Единствената забелешка е што толку многу луѓе кои со години аплицираат на лотаријата за да учествуваат на овие големи маратони и да истрчаат сериозна трка биваат одбиени, па може да биде прилично обесхрабрувачки кога гледаат вакви видеа“, изјави Милс за „news.com.au“.

По предупредувањата за дехидратација, срцев ритам и топлотен удар, Хости завршил со „Добра ноќ“

Милс, исто така, укажа на огромните здравствени ризици од мешањето на екстремен спорт за издржливост со прекумерно пиење алкохол.
Во коментарите на „ТикТок“, пак, многумина го нарекоа Хости „хибриден спортист“ и „апсолутна легенда“, прашувајќи се: „Како воопшто преживеа и како не поврати по сето тоа?“, додека други коментираа дека пиењето „Малорт“ директно од шише среде маратон е „чисто лудило“.
Медицинските стручњаци постојано предупредуваат дека внесувањето алкохол за време на интензивни трки за издржливост драстично го зголемува ризикот од акутна дехидратација, опасни скокови на срцевиот ритам, топлотен удар и тешки желудочни тегоби.
Сепак, и покрај тоа што испил доволно алкохол за да кутне цела кафеана, Хости на крајот изгледал сосема свежо и насмеано, отворајќи славеничко шише шампањ со кусиот опис: „Добра ноќ“.