Овој италијански остров е „преплавен“ со кози, па локалните жители молат за помош: „Да не сака некој да си посвои коза?“

Овој италијански остров е преплавен од толку многу кози што локалните жители ги молат луѓето да им помогнат да ги фатат.

Аликуди е најмалку населен од седумте еолски острови на северниот брег на Сицилија. Тој е дом на околу 100 жители и околу 600 диви кози, според Си-Ен-Ен.
Бидејќи локалните власти не можат да управуваат со растечката популација на кози, градоначалникот Рикардо Гуло најави програма „посвојување коза“, која ќе им овозможи на луѓето кои ќе поднесат официјално барање да земат до 50 кози.
Животните биле внесени на островот пред околу 20 години од страна на фармер кој ги ослободил и оттогаш тие се размножуваат со алармантна брзина и го зазеле градот.

Оттогаш, стада кози навлегуваа во станбени области, ги нападнаа домовите, ја јадат локалната флора и уриваат камени ѕидови. Апликантите мора да го испратат своето барање до локалната власт до 10 април и да платат околу 17 долари за такса за печат за да се официјализира посвојувањето.

Избраните ќе имаат 15 дена да ги фатат и да ги отстранат козите од островот.