Парализиран човек конечно може самостојно да оди, јаде и да извршува секојдневни работи благодарение на терапија која ни е позната

За прв пат по седум години, маж кој е парализиран од вратот надолу може да стои и да оди самостојно благодарение на третманот со матични клетки.

Крис Бар сакаше да се откаже и да остави да почине. Несреќата при сурфање во Калифорнија во 2017 година го оставила Крис со скршен врат на осум места. Тој бил толку вознемирен поради тоа што бил парализиран од вратот надолу како резултат на неговите повреди, што првото нешто што ѝ го изустил на сопругата Деби преку цевката за интубација кога таа пристигнала до неговиот болнички кревет било молба да му го заврши животот.

„Кога стигнав таму, првите зборови што ми ги кажа беа: „Исклучи ги апаратите“, што беше толку шокантно“, вели Деби.

Крис Бар сега стана првиот пациент кој учествуваше во студијата спроведена од клиниката Мајо. За оваа студија, матичните клетки беа извлечени од абдоминалната маст на Бар, проширени во лабораторија и инјектирани во лумбалниот ‘рбет.

Пет години по терапијата, Бар забележува значително подобрување.

„Никогаш не мислев дека повторно ќе можам да одам, да јадам и да ги извршувам секојдневните задачи“, рече тој.

Во 2019 година, Бар пријавил брзо подобрување по терапијата со матични клетки, вклучително и враќање на сензацијата во неговите нозе. Сега, пет години подоцна, тој ги опишува долгорочните придобивки, како што е способноста да оди самостојно долго време.

Податоците објавени од клиниката Мајо го потврдија успехот на терапијата со матични клетки во клиничкото испитување во кое беа вклучени 10 пациенти, вклучувајќи го и Бар. Седум од 10 пациенти покажале подобрувања во мускулната сила и чувствителноста на лесен допир и боцки.

Тројца пациенти не реагирале на третманот, што значи дека нивната состојба не се влошила или се подобрила.

„Нашите резултати даваат надеж за иднината“, рече водечкиот автор на студијата, неврохирургот Мохаман Бајдон од клиниката Мајо.

„Оваа студија ја покажува безбедноста и потенцијалната корист од матичните клетки во третманот на повреди на ‘рбетниот мозок“, објасни д-р Бајдон. „Ова може да биде значаен напредок во неврологијата, неврохирургијата и третманот на пациенти со такви повреди“.

Во моментов, Управата за храна и лекови на САД не одобри никаков третман за повреда на ‘рбетниот мозок.

Третманот со матички клетки на многумина ни е познат како третман за рак.

Истражувачите продолжуваат да проучуваат како матичните клетки комуницираат со ‘рбетниот мозок и нивната улога во подобрувањето на состојбата на пациентите. Планирани се дополнителни студии со поголем примерок за подобро разбирање на придобивките и ризиците од овој третман.