Патници собраа 88 милиони долари за да ја спасат „американската Wizz Air“ — Spirit Airlines. Дали навистина можат сами да ја купат банкротираната авиокомпанија?

Содржина:

• Веб-страницата „letsbuyspiritair.com“ се урна поради неверојатно интересирање, 124.755 луѓе веќе изразија желбата да бидат коосновачи
• Движењето го започна Hunter Peterson: Ако 20% од Американците над 18 години дадат по 30-40 долари, ние патниците ќе ja национализираме Spirit Airlines
• 44 милиони Американци летаа со Spirit во 2024
• Минималниот залог е 45 долари, просечно луѓето ветуваат 667 долари – но вистинската цена се мери во милијарди
• Spirit 2.0 – движење што почна како шега, но доби неконтролирани размери: Веб-страницата повторно ќе биде достапна за залози набргу

Веб-страницата „letsbuyspiritair.com“ се урна поради неверојатно интересирање, 124.755 луѓе веќе изразија желбата да бидат коосновачи

Веб-страницата преку која се собираа пријави од идните потенцијални сопственици двапати падна поради огромниот интерес. Пред да се сруши, повеќе од 124.000 луѓе веќе се пријавиле дека сакаат да учествуваат во купувањето, а вкупната сума на ветени средства надминала 88 милиони долари.
Засега не се уплаќаат вистински пари, туку луѓето само изразуваат интерес и наведуваат колку би биле подготвени да вложат за заеднички да ја купат згаснатата авиокомпанија.

Движењето го започна Hunter Peterson: Ако 20% од Американците над 18 години дадат по 30-40 долари, ние патниците ќе ja национализираме Spirit Airlines

Хантер Петерсон, корисник на социјални мрежи и гласовен актер, е иницијатор на оваа акција. Тој во првичното видео објасни: „Ние ја национализираме Spirit Airlines, сопственост на народот.“ Според него, ако 20% од над 250 милиони возрасни Американци вложат само по 30 до 40 долари – просечната цена за билет на Spirit – патниците би можеле да ја купат авиокомпанијата.
Само 2,5 часа по иницијалната објава, Петерсон истакнал дека многумина покажале интерес да ја купат Spirit, па затоа ја отворил веб-страницата letsbuyspiritair.com за луѓето да ја регистрираат својата намера. Создал и инстаграм профил @spiritair2.0, кој за кратко достигнал 157 илјади следбеници.

44 милиони Американци летаа со Spirit во 2024

На веб-страницата стои: „44 милиони Американци летаа со Spirit во 2024 година, а инвеститори од приватниот капитал веќе се подготвуваат да ја преземат компанијата. Пред тоа да се случи, постои мала шанса за нешто што досега никогаш не се случило во комерцијалната авијација. Патниците, работниците и заедниците што Spirit ги опслужуваше би можеле сами да си ја вратат компанијата.

Минималниот залог е 45 долари, просечно луѓето ветуваат 667 долари – но вистинската цена се мери во милијарди

Минималниот залог е 45 долари – колку што чини еден билет, а според сајтот, просечниот залог сега изнесува 667 долари. Иако поддршката од граѓаните расте, Петерсон предупредува дека реалната цена за купување и ре-активирање на авиокомпанијата ќе биде од неколку милијарди долари. Тој веќе објави видео со барање помош од авио-адвокати, експерти за ПР и професионалци кои би помогнале во реализација на визијата. “Знам што не знам”, истакнува Петерсон, додавајќи дека и понатаму е решен да ја купи авиокомпанијата.

Spirit 2.0 – движење што почна како шега, но доби неконтролирани размери: Веб-страницата повторно ќе биде достапна за залози набргу

“Ова го учам во реално време”, признава Петерсон. „Ова почна како шега и излезе од контрола.“
Поради уривањето на веб-страницата, моментално има прекин во можноста за залози, но заинтересираните можат и натаму да ја разгледуваат страницата. Тимот најави дека целосната функционалност за залози повторно ќе биде достапна во наредните 24-48 часа. Најновите информации ќе може да се следат на SpiritAir2.0 Instagram.
Дали го поддржувате ова движење? Кажете го вашиот став.