Подготовка за крајот на светот „на најјако“: Милијардерите не подготвуваат залихи на храна, туку купуваат острови и градат подземни бункери

Содржина:

• Милијардерите не само што купуваат острови – туку и градат луксузни подземни комплекси и екосистеми за преживување
• Бункерите на милијардерите се строго чувани тајни
• Писателот Даглас Рашкоф: „Тие се гледаат себеси како божества, подготвени да владеат над остатоците од човештвото“
• Стратегија е контрола, не само преживување

Милијардерите не само што купуваат острови – туку и градат луксузни подземни комплекси и екосистеми за преживување

Како што тече времето, имиња како Марк Цукерберг, Бил Гејтс и Лари Елисон сѐ почесто се појавуваат по медиумите, токму поради грандиозните планови за создавање приватни бункери. Цукеррберг, на пример, вложува стотици милиони долари во ранч и подземен бункер на Хаваи. И таму, специјално за него, се градат експлозивно-отпорни врати, тајни премини и уникатни мерки за обезбедување — сѐ за заштита од надворешниот свет.

Бункерите на милијардерите се строго чувани тајни

Податоците сведочат дека милијардерите бараат од изведувачите да потпишуваат договори за тајност. Но, малку информации сепак си движат низ јавноста: огнени ровови за одбивање натрапници, водени топови, замоци со масивни железни врати, и комплетни фарми под земја со стада крупен добиток – сѐ во функција на постапокалиптично преживување.

Писателот Даглас Рашкоф: „Тие се гледаат себеси како божества, подготвени да владеат над остатоците од човештвото“

Рашкоф, кој учествувал на тајни состаноци со најбогатите, сведочи дека за милијардерите најважни се прашањата како да го задржат персоналот по катастрофа и како да се изолираат целосно. Тие планираат не само преживување – туку и целосна доминација врз новиот свет. Вистинска дилема не им е што ќе се случи со човештвото, туку како „да бидат богови“ меѓу преживеаните.

Стратегија е контрола, не само преживување

Додека обичниот свет прави залихи и се надева на краткорочна безбедност, супербогатите мислат и делуваат на сосема друго ниво: тие сакаат да ја контролираат иднината, дури и ако светот некогаш биде разурнат. Зад остриот сјај на нивните бункери, стои една јасна порака: тие не се подготвуваат за крајот на светот, туку за крајот на нашиот свет – и можеби, почеток на нивниот.