Погледнете како „Реал Мадрид“ користи футуристичка технологија за играчите да го подобрат изведувањето слободни удари

Реал Мадрид објави снимки и фотографии од новата технологија која шпанскиот клуб ја имплементира на својот терен за да помогне во подобрувањето на способностите за слободни удари на играчите.

Клубовите вообичаено имаат кукли кои имитираат одбранбени ѕидови за да ги вежбаат нивните слободни удари, но „Лос Бланкос“ го подигнаа тоа на ново ниво.

Иако куклите се корисни и несомнено им помогнале на играчите да ги подобрат своите вештини, тие имаат свои ограничувања.

Новата технологија на „Реал Мадрид“ им овозможи да ја имитираат специфичната висина на играчот со нивните кукли, па дури и да го имитираат ефектот на скокање, слично на тоа како „живиот“ ѕид би реагирал во играта.

На снимките кои ги објавија од шпанскиот клуб се гледаат Лука Модриќ, Тони Крос и другите ѕвезди од првиот тим како ги вежбаат своите наместени фигури против куклите и голманот.
Се гледа дека куклите скокаат по изведувањето на слободните удари, налик на играчка ситуација.
Се чини дека куклите се управувани од контролна табла на таблет, при што операторот може да избере различни поставки за секоја фигура во ѕидот, вклучително и дали тие скокаат и колку високо се креваат.

Сите шест кукли, можат да се ротираат навнатре и нанадвор, во видеото на кое се гледа како Модриќ изведува слободен удар кон ѕидот од „пет луѓе“.

Работата на полигонот со новата технологија се исплати бидејќи „Реал Мадрид“ досега постигнаа два гола од слободни удари во првите три натпревари во „Ла Лига“.

Давид Алаба постигна гол од игра против Алмерија, додека Карим Бензема постигна еден за време на неделната победа од 3-1 над Еспањол.

„Лос Бланкос“ се на врвот на „Ла Лига“ по три натпревари од почетокот на сезоната.

Коментирај анонимно

Вашата адреса за е-пошта нема да биде објавена.