ПОМОШ: Сирота 15-годишна милионерка никогаш не добила божиќен подарок од родителите бидејќи заработува 28.000 евра неделно. Овој Божиќ ќе купи автомобил од 190.000 евра, а не ни може да вози

Поранешна кралица на убавината раскажа како никогаш не добила божиќни подароци од своето семејство затоа што немало што да ѝ купи.

Изабела Барет (15) нема потреба од ништо бидејќи нејзината заработка од 28.000 евра неделно значи дека таа може да си купи што и да ѝ посака срцето во моментот. Таа станала милионерка, на шестгодишна возраст, откако лансирала сопствена линија на облека и накит по нејзиното појавување во американското хит шоу TLC, Toddlers and Tiaras.

Сега на 15-годишна возраст, таа се занимава со манекенство на модната недела во Њујорк и откри дека основала сопствен бренд House of Barretti и сега вреди околу 1,9 милиони евра.

И додека тинејџерката, која освоила 55 круни и 85 титули за време на нејзината кариера, сигурно е воодушевена од своето богатство, тоа навистина го прави мачно купувањето за неа.

Говорејќи ексклузивно за Fabulous, Изабела рече: „Тешко е да ми купат подарок затоа што обично го купувам она што го сакам цела година. Значи, без разлика дали станува збор за скапи чевли или облека, едноставно го купувам она што ми се допаѓа кога ќе го видам!“

И покрај фактот дека Изабела нема да може да има возачка додека не го достигне својот 16-ти роденден, Изабела се залага за прилично скап божиќен подарок за себе.

„Ќе го купам мојот прв автомобил овој месец. Идеално е Lamborghini Urus или Huracan“.

Изабела, која го споредува својот живот со Хана Монтана, стана ѕвезда од детството во САД. И покрај раскошниот начин на живот, таа изјави дека тогаш имала скромни амбиции и дека сонувала да стане учителка и покрај тоа што го заработила својот прв милион пред да го заврши основното училиште.

Мајката на Изабела, Сузана рече: „Таа дефинитивно има скапи вкусови, но тоа е затоа што нашето семејство го цени квалитетот – тоа не е поради славата“.

Сузана, исто така, се соочи со критики што ѝ дозволила на нејзината ќерка да се шминка на толку млада возраст.

Таа рече: „Луѓето прашуваат како можев да ја облечам во таква облека ѝ да и дозволам да се шминка и да носи штикли, но мислам дека направив многу добра работа – нејзините манири се беспрекорни. Таа ја сака својата работа. Како мајка, тоа е сè што сакате за децата – само бидат среќни“.