„Празничната акција во креветот“ може да донесе и проблеми, не само задоволство – ризикот од една вообичаена повреда се зголемува за 234% во овој период од годината

Се чини дека празниците носат не само радосни, туку и малку необични моменти. Според истражување на „FeetFinder“, пребарувањата на „Google“ за „фрактура на пенис“ доживеале пораст од 234% за време на празничниот период.

Истражување објавено во „British Journal of Urology International“ открива дека ризикот од оваа болна повреда, особено кај мажи на средна возраст, значително се зголемува меѓу 24 и 26 декември. Оваа состојба најчесто се јавува за време на „дива“ сексуална активност, според водечкиот истражувач д-р Николаос Пиргидес.

Фрактурите на пенис обично се препознаваат по звучно „крцкање“, остра болка и губење на ерекцијата. Како што вели Пиргидес, пенисот често изгледа како модар патлиџан по повредата. Иако не се опасни по живот, некои случаи бараат хируршка интервенција за да се избегне трајна штета врз сексуалната и уринарната функција.

Покрај фрактурите, празниците бележат и зголемено пребарување на термини како „истегнување мускул за време на секс“ и „оток по секс“. Ова, според експертите, е резултат на зголемена авантуристичка желба поттикната од празничната атмосфера и повеќе празнична акција во кревет, алкохолот и желбата да се направат празниците посебни.

Сепак, експериментирањето може да доведе до несакани последици, особено при користење секс-играчки или обиди за нови пози. Податоците покажуваат дека луѓето на возраст од 20 до 24 години се најзагрозени од повреди со секс-играчки, при што мажите се повеќе засегнати од жените.

Истражувачите нагласуваат дека комуникацијата и внимателноста се клучни за избегнување повреди. Препорачуваат паровите да разговараат за границите, да се движат полека и да користат алкохол умерено. Како што велат експертите, „безбедноста е секси“.