Предвремено родено бебе на кое му било дадено само еден ден живот, им пркоси на шансите и го дочека својот прв роденден

Мари Клер Тали (41) го пречека Хектор во 23-тата недела во ноември 2021 година и го опиша нејзиниот син како „повеќе од чудо“ откако се борел да преживее и покрај многуте компликации. Малиот Хектор поминал 259 ноќи од својот живот во „Кралската болница за деца и млади луѓе“ во Единбург , правејќи 15 операции и 25 пати бил префрлан на интензивна нега.

Неговата мајка Мари изјави за дека се чувствува како најсреќната личност што го има Хектор, кој го опиша како толку забавен и дека носи толку многу радост на толку многу луѓе.

По неговото раѓање, на Мари и на неговиот татко Ангус им било кажано да се збогуваат бидејќи имало многу мали шанси да ја преживее првата ноќ. Двојката не можела да го види својот син во првите 40 часа од неговиот живот поради ограничувањата на Ковид во тоа време, што Мари го опиша како „срцепарателно“. Дури кога наполнил пет дена, Мари и Ангус можеле да бидат со својот син дење и ноќе, но Хектор останал на вентилатор додека не наполнил 42 дена.

Ова било кога лекарите ѝ кажале на Мари дека нејзиниот син ќе преживее и во април 2022 година, кога Хектор имал пет месеци, конечно можел да си оди дома.

Мари рече: „Толку сум горда на него. Тој е чудо, тој е повеќе од чудо и јас сум толку горда на него. Поради позитивните молитви на сите тој беше извлечен и се погриживме да го опкружиме со сета љубов и радост и надеж за да се чувствува апсолутно обожаван“.

Тој е роден со хидроцефалус – што значи дека ‘рбетната течност не може да тече околу неговото тело поради крварење на неговиот мозок – хронична белодробна болест, ретинопатија и централизирана апнеја при спиење.

Мајката рече дека се грижи секој ден да е одличен за Хектор, кој сè уште има голем број здравствени проблеми, вклучувајќи главоболки, болести, заматен вид и тешкотии со одење. Овие состојби веројатно ќе влијаат врз него доживотно. Но, и покрај компликациите, Мари ја опиша 2022 година како најдобрата година во нејзиниот живот.