Психолог обучен на Харвард: „Ова е една од најтоксичните типови на врски – и тешко е да се препознае“

Дали некогаш сте запознале некој што премногу се интересира за вас? Се чувствувате добро, но истовремено ви изгледа предобро за да биде вистина?

Како психолог обучен на Харвард, забележав дека некои токсични врски започнуваат како премногу позитивна романтична бајка. Но, тоа не е секогаш добра работа, бидејќи може да биде знак дека сте запознале „љубовен бомбардер“ – личност која изразува премногу интензивна љубов и приврзаност уште на самиот почеток на врската.

Тоа е манипулативна тактика што има за цел да ве направи зависни од врската пред да имате доволно време да процените дали навистина сте еден за друг.

Љубовниот бомбардер е тежок за препознавање, бидејќи во почетокот неговото однесување изгледа прекрасно – а кој не би сакал да биде обожаван? Но, овие шест знаци може да ви помогнат да ја откриете вистината.

1. Ве опсипуваат со ласкави комплименти

Љубовните бомбардери сакаат да ве натераат да ги засакате така што ќе ве издигнат во небеса. Често кажуваат работи како:
👉 „Ти си најневеројатната личност што сум ја сретнал“
👉 „Никој не е како тебе, ти си толку посебен/а“

2. Ви подаруваат скапи подароци

Овие луѓе често прават големи, раскошни гестови за да ве импресионираат и да се почувствувате должни кон нив. На пример, можат да ви купат скап накит, огромни букети цвеќе или други претерани подароци што ќе ве натераат да помислите: „Колку е дарежлив/а!“

3. Декларираат љубов премногу брзо

Љубовните бомбардери ќе ви кажат дека ве сакаат многу брзо по запознавањето. Ќе слушнете фрази како:
👉 „Никогаш досега не сум се чувствувал вака“
👉 „Каде беше цел мој живот?“

4. Постојано сакаат да бидат во контакт

Ќе ви испраќаат пораки и ќе ви се јавуваат по телефон постојано. Ќе сакаат да знаат каде сте и што правите во секој момент. Често ќе инсистираат да ги запознаете вашите пријатели и семејство многу рано во врската, а може и да станат премногу напорни и наметливи.

5. Ве притискаат да се обврзете премногу брзо

Љубовните бомбардери сакаат што побрзо да ве „заклучат“ во врската. Може да ви предложат да живеете заедно или дури и да се венчате, и тоа уште во првите неколку недели. Често велат:
👉 „Мислам дека треба да правиме сè заедно“

6. Не ги почитуваат вашите граници

Љубовниот бомбардер ќе бара целото ваше внимание и ќе се обиде да ве оддели од вашите пријатели и хобија. Ако сакате да поминете време сами или со блиски луѓе, тие може да реагираат со лутина, навреда или вина.

Како да одговорите на љубовното бомбардирање?

Со текот на времето, љубовните бомбардери се менуваат – од идеализирање и обожавање, преминуваат во критикување и омаловажување.

Најдобриот начин да се заштитите е:

✅ Да не го давате целото свое време на љубовниот бомбардер
✅ Да ја задржите својата независност и граници
✅ Да не брзате во врската – движете се со свое темпо

Здрава врска треба да се гради врз искреност и реални очекувања, а не врз преувеличени изливи на „совршена љубов“.

Автор: Д-р Кортни С. Ворен, доктор по психологија, автор на книгата „Letting Go of Your Ex“. Специјализирана за љубовна зависност и прекинување на врски.