Работата ескалираше: Шпанија формира ренџерска патрола за да ги заштити селата од огромните мечки, кои некогаш биле речиси исчезнати

Популацијата на пиринејската кафеава мечка во Шпанија, која некогаш беше речиси исчезната, се опорави толку силно што мораше да биде формирана ренџерска патрола за да ги одврати од талкање во малите села на северот на земјата.

Регионалната влада на Кастилја и Леон организираше патрола, која се состои од девет чувари, да ги чува жителите и нивните посеви во рударскиот град Вилаблино и околината, во провинцијата Паленсија. Нивната мисија е да ги чуваат загрозените населени места безбедни, притоа овозможувајќи им на човечките жители да коегзистираат со нив.

Ако мештаните забележат мечка, која може да тежи од 330 до 550 килограми и да биде висока над 2 метри, од нив се бара да останат смирени и да се јават на 24-часовната телефонска линија на ренџерите за помош. Ренџерите, вооружени со радија, пушки со гумени топки и уреди за следење, пукаа со предупредувачки истрели за да ги избркаат животните од селата.

73-годишната Анџелес Орало се обидувала да ги држи мечките подалеку од нејзината зеленчукова градина.

„Ние сме постари луѓе… тажен е фактот што не можеме да излеземе на мирна прошетка“, се жалеше таа.
Пред 30 години во Шпанија останати беа само 60 мечки, но денес во земјата живеат 400.

„Зголемувањето на популацијата на мечките доведува до зголемување на конфликтите со луѓето“, рече координаторот на патролата Даниел Пинто.

Во 2021 година, тим од ветеринари, биолози и планински чувари создадоа сателитски систем за следење на животните.
Откако ќе се фатат, мечките се анестезираат и им се дава GPS јака за да можат лесно да се лоцираат во иднина. Досега ренџерите заробиле 12 мечки кои потоа биле ослободени далеку од селата.

Зголемувањето на мечките веќе го поттикна туризмот во областа, бидејќи луѓето доаѓаат во регионот за да ги видат во дивината.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!