Рагби фудбалскиот сојуз сака да им забрани на трансродовите жени да играат на женски натпревари

Одлуката е донесена по двегодишен преглед, а промената во политиката би можела да биде воведена пред сезоната 2022-2023, доколку ја одобри Советот на РФС (Рагби фудбалскиот сојуз).

Во соопштението се вели: „Советот на РФС ќе гласа за препорака за промена на политиката за контактно рагби за да им се дозволи да играат само играчите од женската категорија чиј пол евидентиран при раѓањето бил женски“.

„Ова е сложена и тешка одлука и препораката не е донесена лесно или без темелно и целосно истражување и консултација“.

Тие велат дека дека истражувањата обезбедуваат докази за „физички разлики“ и „предности во силата, издржливоста и телото“ поради машкиот пубертет.

Оттаму, тие рекоа дека одлуката е донесена затоа што „вклучувањето на транс-луѓе, кои се родени како машки, во женско рагби не може да се избалансира со размислувањата за безбедност и правичност“.

Одлуката за трансродовите играчи покажува дека РФС се усогласува со Светскиот сојуз за рагби, кој вели:

„Трансродовите жени во моментов не можат да играат женско рагби. Поради големината, силата и предностите што произведуваат моќ што ги дава тестостеронот за време на пубертетот и адолесценцијата, и како резултат на благосостојбата на играчите и ризиците што ова ги создава“.

Управното тело, исто така, рече дека играчите чиј пол е забележан како женски при раѓањето може да играат во машки рагби, под услов да се спроведат мерки за проценка на ризикот и да се даде писмена согласност.

Новата политика стапува на сила во јануари и ги заменува старите насоки поставени во 2018 година, кои им дозволуваа на транс жените да се натпреваруваат против жените доколку го потиснат тестостеронот.

Меѓународната пливачка федерација ФИНА, исто така, им забрани на спортистите кои поминале низ кој било дел од машкиот пубертет да влезат во елитното женско натпреварување.

Британскиот нуркач Том Дејли ја критикуваше одлуката на ФИНА, велејќи: „Знаете, не е фер на некој да му е кажано дека не може да се натпреварува или дека не може да прави нешто што го сака само поради тоа што е.

Но, секретарката за култура Надин Дорис се согласи со одлуката на ФИНА, повикувајќи ги да се погрижат само спортистите родени како женски да можат да учествуваат во женски натпреварувања, велејќи дека ова прашање било „зафрлено“ предолго. Дорис минатиот месец се сретна со претставници од фудбалот, крикетот, рагбито, тенисот, атлетиката и другите спортови и јасно стави до знаење дека ќе се избори за правичност, зашто таа е најважна во спортот.

„Да се ​​бара од жените и тинејџерките да се натпреваруваат против некој кој биолошки е роден како маж е инхерентно нефер. Значи, денес го кажав мојот став апсолутно јасен: очекувам спортските тела да ја следат политиката дека конкурентниот женски спорт мора да биде резервиран за луѓето родени од женски пол“.

ФИФА и Светската атлетска федерација минатиот месец соопштија дека ги разгледуваат и нивните политики за подобност за трансродовите лица. Исто така и началниците на Олимписките игри беа повикани да ги подобрат контроверзните упатства за учеството на трансродовите, со нивните најнови упатства објавени во ноември минатата година.

Коментирај анонимно

Вашата адреса за е-пошта нема да биде објавена.