Решил Господ да слезе во Македонија (виц)

Решил Господ да слезе во Македонија и да прави добрини.
Оди така по улица и гледа човек како горко плаче.

— Зошто плачеш, сине мој?
— Инвалид сум, Господи, не можам да одам.

Господ му ги помилувал нозете, човекот станал и тргнал по светот да ја слави Божјата сила…

Продолжил Господ понатаму, гледа жена седи на тротоар и рида.

— Зошто плачеш, ќерко моја?
— Слепа сум од раѓање!

Господ ја помилувал по лицето, таа прогледала и тргнала по светот да ја слави Божјата сила…

Продолжил Господ понатаму, гледа мало детенце како плаче.

— Зошто плачеш, детенце?
— Затоа што сум несреќен… така ми се погодило, сум се родил и живеам во Македонија…

И седнал Господ до него… и заплакал заедно со него.