Роберт Де Ниро на 80 години се заглави по судови: Поранешната асистентка го тужи дека не ја плаќал доволно и ја терал „да му го чеша грбот“

Роберт де Ниро пред судот на Менхетен призна дека и наредил на својата поранешна асистентка да му го чеша грбот.

Актерот (80) се соочува со обвиненија дека ја дискриминирал неговата поранешна асистентка Греам Чејс Робинсон (41), во четиригодишната правна битка за која му се судеше во понеделникот.

Неговата поранешна соработничка Робинсон, го обвини актерот за родова дискриминација додека работела за неговата компанија „Канал продукција“. Компанијата на Де Ниро првично ја тужеше Робинсон поради неправилно трошење на парите на компанијата. На вториот ден од судењето во вторникот, Де Ниро стана збунет и лут кога застана пред поротата за да се бори против обвинувањата дека ја подложил Робинсон на години траума, несакан физички напредок и мизогинија.

Во запрепастувачки момент додека беше на трибината, актерот оскаровец се соочи со својот обвинител и пред вчудоневидената судница рече: „Срам да ти е, Чејс Робинсон! Жал ми е“.
Робинсон почнала да работи за Де Ниро во 2008 година како негов асистент, а на крајот се искачила на позицијата потпретседател на „Канал продукција“. Пријавено е дека имала плата од 300.000 долари, се додека не дала отказ во април 2019 година.

Таа во својата тужба тврди дека Де Ниро ја третирал лошо и ја терал да извршува неважни задачи, вклучително и да му ги мие чаршафите и да му го чеша грбот. Робинсон, исто така, тврди дека била помалку платена од вработен маж за кој сметала дека има слични одговорности. Таа бара отштета од 12 милиони долари за тешка емоционална вознемиреност и повреда на угледот.

Нејзината милионска тужба беше брзо покрената по првичната тужба на Де Ниро во август 2019 година, обвинувајќи ја за несоодветно трошење, вклучително и префрлање на пари од авиокомпанијата во вредност од над 450.000 американски долари од компанијата на нејзината лична сметка. Таа, исто така, е обвинета дека потрошила десетици илјади повеќе на лични предмети, храна и патувања и дека деновите ги поминувала гледајќи „Netflix“. И двете тужби треба да се решаваат во исто судење, кое се очекува да трае две недели.

Ѕвездата стана видно фрустриран додека ги отфрлаше прашањата, на крајот признавајќи дека чешањето на грбот се случило во два наврати.

„Добро, двапати? Ме фати! Велам дека ова е глупост“, рече тој на трибината. „Тоа никогаш не беше направено со никакво непочитување“.

Адвокатите на Робинсон се обидоа да го прикажат Де Ниро како шеф кој бара многу, вклучително и со пуштање аудио снимка од актерот кој и се јавува во 6:30 часот наутро во недела за да добие пристап до неговиот компјутер. Де Ниро учествуваше во повеќе од пет часа сведочење сослушано од судот во вторникот, нудејќи подетален увид во наводите против 80-годишникот.

Освен што ги призна обвинувањата за чешањето, Де Ниро исто така призна дека и наредил на Робинсон да го користи „Uber“ за да му донесе мартини од салонот за суши „Нобу“ доцна во ноќта.

Робинсон тврди дека двапати и се јавил за да го прекине погребот на нејзината баба во 2015 година за да може на неговиот тинејџер да му купи автобуска карта. Кога го прашале за инцидентот, тој одговорил: „Значи? И што?“ Де Ниро рече дека во тој момент Робинсонрекла дека може да „зборува“.

Актерот, исто така, налутено одговори на сугестиите на Робинсон дека не ѝ се плаќало исто како и маж на нејзино место, бидејќи судот слушнал дека таа барала да биде платена исто како нив во 2018 година.

Тој се спротивстави и на сугестиите дека таа требала да биде исто платена како и асиастентот кој „патувал со него 40 години и го оставил своето семејство за да биде со него долги години“.