Робот уби работник во фабрика: Човек е згмечен до смрт кога машината не успева да направи разлика помеѓу него и кутија зеленчук

Еден човек бил згмечен до смрт од робот во Јужна Кореја , откако не успеал да го разликува од кутија со зеленчук.

Жртвата, работник во компанија за роботика на 40-годишна возраст, во раните утрински часови го прегледувала сензорот на машината во дистрибутивниот центар за земјоделски производи во Јужен Ѓеонгсанг. Машината, која кревала кутии со пиперки на палета, го зграпчила човекот со раката и го турнала на подвижната лента, при што му ги смачкала лицето и градите.

Жртвата била префрлена во болница, но подоцна починала.

Полицијата сега се подготвува да започне истрага против менаџерите за безбедност на локацијата за можна небрежност во должностите.

Официјален претставник од извозниот земјоделски комплекс Донгосеонг, кој е сопственик на фабриката, повика на воспоставување „прецизен и безбеден“ систем во изјавата по инцидентот.

Во март, Јужнокорејец на околу 50 години претрпе сериозни повреди откако беше заробен од робот додека работеше во фабрика за производство на автомобилски делови. И минатиот јули се појави снимка од андроид кој игра шах како му крши прст на дете за време на натпревар во Русија.

Роботот го зграпчил прстот на седумгодишното момче на Московскиот опен бидејќи било збунето од неговите брзи движења, објавија руските медиуми.

Кристофер Аткесон, експерт за роботика на Универзитетот Карнеги Мелон, изјави: „Роботите имаат ограничена сензација и со тоа ограничена свест за она што се случува околу нив. Се сомневам дека шаховскиот робот немал уши и дека неговиот систем за гледање бил слеп за ништо друго освен шаховски табли и фигури“.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!