Само уживајте, не работете ништо и добивајте плата од 1.900 евра месечно! Ново истражување кое има одлична цел и дефинитивно треба да се примени и кај нас

На група од 30 луѓе ќе им се исплаќаат 1.900 евра (1.600 фунти) месечно во она што ќе биде прва проба во Англија за шема за универзален приход. Во период од две години, тие ќе ја добиваат месечната паушална сума без никакви услови, додека истражувачите ќе следат какви ефекти има готовината врз нивните животи.

Тие ќе бидат платени „без барање да работат или да покажат подготвеност за работа“.

Вил Стронг, директор за истражување во тинк-тенкот Autonomy, кој ја води шемата, рече дека бројката од 1.900 евра е „значителна“ сума.

Тој изјави: „Универзалниот основен приход обично ги покрива основните потреби на луѓето, но сакаме да видиме каков ефект има оваа безусловна паушална сума врз менталното и физичкото здравје на луѓето, без разлика дали ќе изберат да работат или не. Нашето општество ќе бара некаква форма на основен приход во наредните години, со оглед на климатските промени, технолошките нарушувања и индустриската транзиција што претстои. Ова е причината зошто изградбата на база на докази и јавен ангажман сега е толку важна, така што теренот е добро подготвен за национална имплементација“.

Проектот чини повеќе од 1,8 милиони евра, како и 30-те приматели на проектот, исто така, ќе ги следи искуствата на контролната група на која нема да ѝ се плаќа ништо.

Клео Гудман, ко-основач на Basic Income Conversation, рече: „Се надеваме дека овој план ќе резултира со првите пилоти за основен приход во Англија. Никој никогаш не треба да се соочува со сиромаштија, да мора да избира помеѓу греење и јадење, во една од најбогатите земји во светот. Основниот приход има потенцијал да го поедностави системот на социјална помош и да се справи со сиромаштијата во Британија“.

Па врз основа на ова, би рекле ако може во Македонија функционерите да пробаат да живеат со минимална плата од 18.000 денари и да видиме што ќе донесе тоа истражување?