Само во Америка: Мажена жена се заљубила во колегата од работа, па си го донела дома со мажот и децата

39-годишната Сара Никол работи како личен фитнес тренер. Пред шест години таа се омажила за Рајан, со кој има две деца. Пред неколку години Никол сфатила дека и се допаѓа колегата од работа, 40-годишниот Рони. Колегата исто така чувствувал привлечност, но не си дозволил премногу затоа што колешката била мажена.

Американката призна дека неодамна ја сфатила својата склоност кон полиаморијата, бидејќи за овој концепт дознала дури во 2020 година. Меѓутоа, додека била во брак со Рајан, таа паралелно одела и со друг четири месеци, а по раскинувањето, на социјалните мрежи објавила за таа нејзина склоност. Колегата Рони видел и тргнал во акција. Веднаш стапил во контакт со Сара и ѝ рекол дека и тој е полиаморен. Тогаш колегите почнале редовно да се гледаат, а потоа решил да му понуди на Рајан живот во тројка.

Според Никол, нејзиниот сопруг постојано повторувал дека куќата има потреба од трето возрасно лице за да ги сподели обврските.
„Кога Рајан и јас првпат решивме да градиме полиаморна врска, им објаснив што е полиаморијата на моите деца, кои тогаш имаа пет и осум години“, рече жената.

Сара заклучила дека новиот партнер во врската ги зајакнува чувствата кон стариот партнер и помага да се запамети колку е важно да се покаже љубов и нежност, дури и ако врската е стара многу години.