Саудиска Арабија планира да изгради мега облакодер кој ќе биде двојно поголем од највисоката зграда на светот поточно 2 КИЛОМЕТРИ

Според британскиот архитектонски магазин The Architects’ Journal, британската фирма Foster + Partners победила на конкурсот за дизајнирање на зградата. Се очекува да достигне висина од 2 километри, повеќе од двојно од висината на Бурџ Калифа во Дубаи (829,8 метри), која е највисоката зграда во светот денес.

Облакодерот ќе биде лоциран во близина на меѓународниот аеродром Кинг Калид, кој Foster + Partners исто така во моментов активно го проширува.

Освен неговата висина, малку се знае за проектот во оваа рана фаза. Сепак, постојат многу потенцијални пречки што треба да се надминат, како што се големите оптоварувања на ветерот и тежината на конструкцијата. Цената на проектот исто така ќе биде астрономска.

Ако таков проект би се имплементирал на кое било друго место во светот, некој би можел да биде скептичен. Сепак, со оглед на амбициозните проекти на Саудиска Арабија, вклучувајќи облакодер долг 170 километри во изградба и огромен облакодер во форма на коцка, може да се очекува дека големиот проект ќе се реализира.