„Се гледаме на суд!“ Илон Маск почна да отпушта и трудници од Твитер, па една од нив се одлучи да му се одмазди

Поранешна вработена во Твитер вети дека ќе го тужи гигантот од социјалните мрежи откако била отпуштена бремена во шестиот месец – и покрај тоа што Маск објави дека отпуштениот персонал ќе биде исплатен до крајот на јануари.

Шенан Лу работела како менаџерн за наука и податоци на Твитер пред да биде отпуштена заедно со илјадници други вработени во петокот, додека новиот извршен директор Маск продолжува со „ремонт“ на технолошката компанија.

Лу се појави на платформата за социјалните медиуми за да ја изрази својата фрустрација од справувањето со ситуацијата од страна на компанијата, обвинувајќи ја за дискриминација и вети дека ќе се бори на суд. Серијата твитови и нејзиниот профил оттогаш се избришани – и не е јасно дали таа навистина ќе продолжи и ќе ја тужи компанијата на милијардерот за дискриминација.

Откако отпушти околу 50 отсто од работната сила на Твитер во петокот по купувањето на Маск од 44 милијарди долари, компанијата потоа, наводно, контактирала со десетици вработени за да се вратат на работа. Компанијата сè уште има околу 3.700 вработени. Оние што преостануваат се притиснати од Маск да работат брзо за да развијат и имплементираат нови функции.

Во сега избришаните твитови, Лу напишала: „Моето патување на Твитер заврши, добив отказ додека сум бремена 6-ти месец. Задоволство ми беше да работам со сите вас. Многу сум благодарна што водев таков неверојатен тим, тоа беше забавно возење. #LoveWhereYouWorked.“

„Тука дефинитивно има дискриминација. Па ќе се борам. Моите перформанси се напреднати(врвни 30%) во последните квартали, а јас точно знам дека другите машки менаџери го немаат овој рејтинг“, додаде Лу. „Се гледаме на суд“.

Лу не е единствената бремена вработена која беше отпуштена во кругот на масовни отпуштања. Рејчел Бон, поранешна маркетинг менаџерка во седиштето на Твитер во Сан Франциско, која е бремена во осмиот месец, објави дека е отпуштена и дека го изгубила пристапот до лаптопот.

Петмина поранешни вработени поднеле колективна тужба тврдејќи дека отпуштањата ги прекршиле законите на Калифорнија и федералните власти. На оние кои се нашле без работа им било кажано дека ќе продолжат да бидат вработени на Твитер до јануари или февруари, во зависност од нивната улога, иако 4-ти ноември ќе биде нивниот последен работен ден.

По масовните отпуштања, Маск ја бранеше својата одлука велејќи дека нема друг избор освен да направи кратења поради финансиската состојба на Твитер.