„Се породив со ќерка ми на необично место- медицинските сестри беа во шок!“

Жена од Велика Британија го запрепасти своето семејство и медицинските лица со тоа што се породи на паркинг пред болница во Англија овој месец.

„Беше многу избрзано и бев во шок, навистина – немав воопшто време да размислувам“, изјави Тејлор Такер (27).

„Мојата мала драма кралица мораше некако да излезе“, додаде таа.

Елси-Џеј пристигна во 17:54 часот, на 7 јануари, една недела пред нејзиниот термин. Ја породила нејзината баба, Карен Хејворд (54). Такер рече дека нејзината ќерка се родила само 45 минути откако и пукнала водата во нејзиниот дом во Рајнхам, Есекс.

Такер, Хејворд и свршеникот на Такер, Пол Кларк, итно отишле во болница – но тие не стигнале навреме во болницата Квинс во Ромфорд. 33-годишниот Кларк морал да ја пресече папочната врвца бидејќи немало време да го извести болничкиот персонал.

Помогнале и две жени кои се вклучиле на необичната сцена.
„Би сакал да им се заблагодарам на минувачите кои ми помогнаа да седнам во инвалидска количка и ме стоплија со тоа што обезбедија болничка наметка и ме смируваа“, рече Такер.

Таа истакна дека тој ден било особено студено.

Откако биле предупредени, околу 10 членови на персоналот побрзале да им помогнат на Такер и Елси-Џеј во болницата, каде што го поминале денот пред да бидат отпуштени.

„Бабиците беа шокирани“, се сеќава Кларк. „Не секој ден се раѓа бебе на паркингот“.

Елси-Џеј им се придружува на сестрата Ајви-Леа (3) и братот Фреди (1).

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!